EFESUS 3:8 - WUKE SUSI WATTI'U AL᷊AL᷊USASSA

⁸ Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

EFESUS 3:8 Referans Kwoze

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

1 KORINTUS 15:9

Eteudde i ya'u rasullu Mawu apan awawoanne. I ya'u tawe su tampane isaggo rasul, ana waugu ete i ya'u apan suete nanansara jamaattu Ruata.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

1 TIMOTIUS 1:13

salaiwe dorone i ya'u mangngal᷊uandaga wuṛṛu mandal᷊eo see mangngadio'a si Tou. Arawe Ruata marangngu si ya'u, ana waugu su tempo udde i ya'u taambe nangimanna, nariaddi ya'u wagga apa apan a'olaangku.

GALATIA 1:16

Ruata nanualagu Anang-Nge si ya'u tadea'u Watti'u Al᷊al᷊uassa su ola'u Anang-Nge wotongnge iwatti'u su manga taumata wal᷊ine Yahudi. Su tempo udde i ya'u tawe inai ringannu sangkatou madorongnga al᷊aṛṛa'a.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

2 TIMOTIUS 1:11

Su ipabbatti'u Watti'u Al᷊al᷊uassa uddewe Ruata namile si ya'u maola'a rasul wuṛṛu huru.

EFESUS 3:19

apan ringannu ṛingiṛṛannu taumata tawe iasunna saran kadio'a. Doronganna i yamiu maaillal᷊a darangngun Kristus udde, na'oman sara i yamiu mapenen apulun Duata apan nasuungnga.

1 KORINTUS 2:9

Arawe olangnge udde ere uawoṛṛetta sulal᷊ummu Wuke Susi, “Apa apan taambe saran paassa niasiloanna ara'e niaringiṛṛannu taumata, wuṛṛu tawe lai saran paassa nilumatto sulal᷊ummu ṛingiṛṛannu taumata, eteudde apan nisaddian Duata su manga taumata apan mandangngu si Tou.”

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

1 TIMOTIUS 1:15

Mangke atonna wisara indi – ana waugu udde ṛinone sengkamanna wuṛṛu pangimananna – : “Kristus Yesus nirumanta su runia indi ana waugu manal᷊amatta taumata marosa.” Wuṛṛu ete i ya'u taumata marosa apan lembon al᷊al᷊eoanne.

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

FILIPI 4:19

Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

GALATIA 2:8

Ana waugu Ruata nangonggolu atatohassa si Petrus maola'a rasullu taumatan Yahudi, wuṛṛu nangonggola lai atatohassa si ya'u maola'a rasullu taumata wal᷊ine Yahudi.

DARALO 31:19

Sappingete moṛṛongngu taṛṛa wahia apan ringannu mawunga mallobbossa taumata matul᷊idda.

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

EFESUS 3:2

Asinungka i yamiu buatte naaringikka manungku Ruata, ana waugu apapia naung-Nge, i Tou suete nangonggola si ya'u manara indi hunane si yamiu.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

YOHANES 1:16

I Tou napenen darangngu; tawe illol᷊one, i Tou mangngal᷊amatta si ite.

1 TAWARIKH 17:16

Ana see i Ratu Daud sinumuttate sulal᷊ummu Rasannu Mawu. I tou inuma'ianna wuṛṛu inumal᷊iomanna, “Oh Mawu Ruata, i ya'u wuṛṛu amonangku tawe sutampane manengkamma apapia apan niapal᷊iatta'u Mawu al᷊annune indi.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

LUKAS 14:22

Wua'udde mangangimbe udde nabbisara, ‘Tua, parentan Tuanga suete niapaamatta, arawe tampa ta'e manambo.’