EFESUS 3:20 - WUKE SUSI WATTI'U AL᷊AL᷊USASSA

²⁰ Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

EFESUS 3:20 Referans Kwoze

2 KORINTUS 9:8

Ruata uataṛṛino mangonggola si yamiu al᷊amatta apan manambo-nambo, tadea'u i yamiu sidutu uatahuanna apa apan ipaapulun kamiu; wuṛṛu i yamiu lai sarun pia lebbene ipa'ola'a apapia wuṛṛu pasasumbala su taumata waine.

ROMA 4:21

I tou mangngimanna atonna manungku Ruata wotongnge manipussa paaire-Ne.

YEREMIA 32:27

“Tumba'u i Ya'u Mawu, Ruatan anambon taumata. Taweddu masahadda si Ya'u.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

1 KORINTUS 2:9

Arawe olangnge udde ere uawoṛṛetta sulal᷊ummu Wuke Susi, “Apa apan taambe saran paassa niasiloanna ara'e niaringiṛṛannu taumata, wuṛṛu tawe lai saran paassa nilumatto sulal᷊ummu ṛingiṛṛannu taumata, eteudde apan nisaddian Duata su manga taumata apan mandangngu si Tou.”

EFESUS 1:19

wuṛṛu aroddi ahewalle Ruata mammanara ringannu napenen taṛṛino su wadangngi ite apan mangngimanna. Taṛṛinon Duata udde naal᷊ihida taṛṛino apan ahewal᷊anne,

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

EFESUS 3:7

Ruata nangonggulu al᷊amatta si ya'u – eteudde manara – mammasingkatu Watti'u Al᷊al᷊uassa udde. I ya'u nanengkamma manara udde wuassu taṛṛinon Duata apan mammanara sulal᷊ummu naungku.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

1 MARARATU 3:13

Ewe'e lai apa apan tawe nirorongannu lai sarun Ta'u ionggola si'o; su al᷊o'engngu pabbiaṛṛamnnu i'o sarun maala wuṛṛu a'addatanna nangillembo wuassu al᷊awo'u ratu waine suapan tampa.

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

DANIEL 3:17

Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

2 TAWARIKH 25:9

“Arawe ereapa ringannu anambon sal᷊a'a apan buatte ta'u nionggola si mangitou?” aiwal᷊on Amazia. Nabi udde sinumimbakka, “Mawu wotongnge mamelengnga mannamboanna lai wua isudde!”

YOHANES 10:10

Taṛṛa ta'o rumanta tumba'u manna'o, mamate, wuṛṛu manggohakka. Arawe i Ya'u nirumanta tadea'u taumata maasomba wiakka – wiakka apan tawe masue.

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

YAKOBUS 4:12

Wutte'e tumba'u sangkatou apan wotongnge makkuumannu taumata wuṛṛu mamarikissa taumata. Eteudde Ruata apan uataṛṛino manal᷊amatta wuṛṛu mamate. Nariaddi, isai yamiu, na'oman sara i yamiu mapaasal᷊an sansul᷊ungu taumata?

1 TIMOTIUS 1:14

Wuṛṛu i ya'u nial᷊amatannu Mawun kite. I Tou nangonggolu atatohassa si ya'u ipangimanna si Tou wuṛṛu mandangngu taumata sansul᷊ungnga. Apande udde nionggolla si ite sarangkanambone apan uaaukke ringanni Kristus Yesus.

DANIEL 6:20

Sutempo wawallo ratu napu'ote wuṛṛu inaite ringannu nasasaṛṛawutta watukku liangngu singa.

IBRANI 11:19

Abraham nangimanna manungku Ruata wotongnge mapaawiakki Ishak apia wuassu papate – nariaddi, wotongnge iwisara, manungku Abraham suete nanengkamma si Ishak apia wuassu papate.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

MATIUS 3:9

Arie massunna manungku i yamiu mal᷊iu wuassu ṛuumanna ringannu mabbisara manungku i Abraham uddewe iupungngu al᷊amonang kamiu. Naunge, wuassu manga watu indi lai, Ruata wotongnge ma'ola'a papapulunni Abraham!

2 SAMUEL 7:19

Ewe'e lai inolaannu Mawu nangillembo lai wua isudde, Oh Mawu Apan Atanggaṛṛanne; I'o buatte na'ola'a pa'aire su papapulungku sutempo apan sarun dumanta. Wuṛṛu olangnge udde niapasilo-Nu si ya'u, salaiwe i ya'u tumba'u sangkatou taumata, oh Mawu Apan Atanggaṛṛanne!

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

PANDARIADDI 18:4

Wala'ewe i ya'u manganu ua'e ipangukkassa ledda manga Tuangnga. Ringannu addata wette manga Mawu pangillol᷊ote su al᷊ungngu alu indi.

2 TAWARIKH 9:12

Waine wuassu manga aonggola wawal᷊issa apan inanaramanna ia'onggoli Salomo, i Salomo lai nangonggola su ratu wuassu wanua Syeba udde al᷊awo'a apan niroronganne. Wua'udde ratu napul᷊ete watukku wanuane suadio'a ringannu mallal᷊aṛenggene.