EFESUS 2:20 - WUKE SUSI WATTI'U AL᷊AL᷊USASSA

²⁰ I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

EFESUS 2:20 Referans Kwoze

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

DARALO 118:22

Watu apan niramme manga maaola'a wal᷊en, naola'e watu sasarianne.

SONDAPPA 21:14

Darandungu soa udde niapararisikka su wowo mapul᷊o dua watu rapappake. Su manga watu rapappake udde uawoṛṛetta manga arannu sire mapul᷊o dua rasullu Ana'u Domba udde.

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

MATIUS 21:42

Ne Mawu Yesus nabbisarate si mangitou, “I yamiu taambe naawasa apa apan uawoṛṛetta sulal᷊ummu Wuke Susi? ‘Watu apan tawe ipaattu maaola'a wal᷊e naola'e watu apan paarorone. Ete indi inolaannu Mawu; tumanite maṛṛamaga atonna!’ ”

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

AMSAL 9:1

Asingkatta buatte napararisikku wal᷊en, wuṛṛu namasi'u pitu diṛṛine.

ZAKARIA 10:4

Wuassu wallatti mangitou sarun Ta'u pileanna tembonanne, piaṛṛa'a, wuṛṛu panglima tantara apan sarun mamarenta uma-U.”

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

KOLOSE 2:7

wuṛṛu maṛṛamutta su lal᷊ummi Tou. Ṛinone i yamiu mapararisikku wiakku ringanni Kristus maola'a rapappake. Ṛinone i yamiu lembon mangngimanna si Kristus, tuttuṛṛutta apa apan suete niaṛṛa'a si yamiu. Wuṛṛu ṛinone naungngi yamiu lulluassa ringannu wisara aadiangkamanna.

1 PETRUS 2:6

Ana waugu sulal᷊ummu Wuke Susi uawoṛṛetta arendi, “I Ya'u suete namile sambau watu maarega, apan Ta'u niaddo su Sion maola'a watu apianne; wuṛṛu taumata apan mangngimanna si Tou tawe iapaasusa naungnge.”

1 MARARATU 7:11

Su wowone niaddo manga watu waine apan maaregga wuṛṛu nipototta tumuṛṛuttu uuṛṛanna, ana see tinaapannu alu cemara wuassu Libanon.