EFESUS 2:11 - WUKE SUSI WATTI'U AL᷊AL᷊USASSA

¹¹ Manga tuṛṛangnga apan wal᷊ine Yahudi! Paanaunge ririnu su tempo rorone: I yamiu isassaggo “taumata tawe nissunatta” unnu taumatan Yahudi apan mangnga'u ririne suete nissunatta (pandumanne apan buatte naasomba tatiala niola'u taumata su wadangngi mangitou).

EFESUS 2:11 Referans Kwoze

KOLOSE 2:11

Ana waugu uaaukka ringanni Kristus, i yamiu suete nisunatta, wal᷊ine ringannu sunatta apan niola'u taumata, ewe'e sunatta apan niola'i Kristus, apan namallosi yamiu wuassu taṛṛinon pallal᷊agu apan marosa.

KOLOSE 2:13

Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

KOLOSE 1:21

Dorone i yamiu maraun Duata. I yamiu masseetti Tou ana waugu pallal᷊agunu wuṛṛu ṛingiṛṛannu lal᷊eo.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

GALATIA 6:12

Manga taumata apan maapulu mapaatolon batanganne ringannu inolaannu runia, ete i mangitou apan mappandumma mamata'i yamiu tumuṛṛutta atorannu sunatta. Arawe i mangitou na'ola'a udde tumba'u tadea'u i mangitou tawe sansarannu taumatan Yahudi ana waugu arussa Mawu Yesus.

1 KORINTUS 12:2

Paanaunge manungku su tempo i yamiu taambe naaillal᷊a Mawu, i yamiu niawono'anna massubba paal᷊uanna apan mou.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

TAHIUL᷊E 16:12

Paatuṛṛute anambon parenta-Ne ringannu maṛṛimadda, wuṛṛu arie paabul᷊iane manungku dorone i yamiu allangnga su Mesir.”

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

GALATIA 2:15

Atonna tumuṛṛuttu tampa inariadianna, i yami indi taumatan Yahudi wuṛṛu wal᷊ine “taumata wal᷊ine Yahudi apan marosa.”

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

TAHIUL᷊E 5:15

Paanaunge manungku i yamiu dorone niallangnga su Mesir, ana see nipallosu Mawu Ruatanu ringannu atatohassa apan bahewalla. Ana waugu udde i yamiu Ta'u niparentanna mallaghun allon Sabat.

YEHEZKIEL 20:43

Poiaroddi i yamiu sarun maanaungnga anambon inolaanna apan maarantinna apan buatte naarosa watangannu. Ne i yamiu sarun maddantinna maanaungnga anambon arariadianna udde.

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

ROMA 2:26

Arawe amungkangngu sangkatou wal᷊ine Yahudi tawe nissunatta, tuttuṛṛutta titan agama Yahudi, wal᷊inewe Ruata buatte namal᷊in tou maola'a taumata apan suete nissunatta?

ROMA 2:27

Wuṛṛu manga taumata apan tawe nissunatta udde sarun mappaasal᷊an kamiu taumatan Yahudi, ana waugu i'o uatahuanna titan agama Yahudi wuṛṛu i'o nissunatta, arawe i'o lullawanna tita udde. I mangitou tawe nissunatta, arawe ete i mangitou apan tuttuṛṛutta titan agama Yahudi.

ROMA 11:17

Sangkawageanganna wuassu manga rannang alu zaitun – eteudde manga taumatan Yahudi – niattibba. Wuṛṛu su lanna'u attibba udde nireeta rannan kalu zaitunna lul᷊u, eteudde manga tuṛṛangnga apan wal᷊ine Yahudi. Tuṛṛangnga nireeta isudde tadea'u tuṛṛangnga maattemma al᷊awo'a apan mapia wuassu pabbawiakku ṛimuudu manga taumatan Yahudi.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

MATIUS 20:7

Manga taumata udde sinumimbakka, ‘Tawe taumata mapamanarang kami.’ ‘Amungkangngu aroddi,’ unnu tatahuannu wailla udde, ‘roote i yamiu pammanara su waillu anggore'u.’