EFESUS 2:1 - WUKE SUSI WATTI'U AL᷊AL᷊USASSA

¹ Dorone i yamiu natete sulal᷊ummu pangangimanna ana waugu i yamiu marosa wuṛṛu nilumawangnga manga parentan Duata.

EFESUS 2:1 Referans Kwoze

KOLOSE 2:13

Dorone, i yamiu natete su pangangimanna ana waugu i yamiu marosa, wuṛṛu ana waugu i yamiu tawe nisunatta ere sangkatou taumata. Arawe orassa indi Ruata napaawiakki yamiu su sambau ringanni Kristus. Ruata suete nangampunga alawo'u rosan kite,

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

1 YOHANES 3:14

I ite masingkata manungku i ite nal᷊iute wuassu papate, wuṛṛu nabbiakke apia. I ite masingkatu udde, ana waugu i ite u'akkannu sansul᷊ungngu taumata. Taumata apan tawe umakkana, atappasanne ta'e tataṛṛinoannu papate.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

1 TIMOTIUS 5:6

Arawe wawine wal᷊u apan maapulu mabbiakka mal᷊uassa, i tou natete salaiwe i tou ta'e wiakka.

YOHANES 5:25

Pangimante: Sarun rumanta tempone – ewe'e nia'omante lai tempone – taumata nate sarun maddaringikka tingikku Ana'u Ruata. Wuṛṛu taumata apan maddaringikka sarun masal᷊amatta.

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

YOHANES 10:10

Taṛṛa ta'o rumanta tumba'u manna'o, mamate, wuṛṛu manggohakka. Arawe i Ya'u nirumanta tadea'u taumata maasomba wiakka – wiakka apan tawe masue.

SONDAPPA 3:1

“Su mala'ekattu jamaatta su Sardis, woṛṛetta'a arendi: Ete indi tanata wuassi Tou apan uatahuanna pitu ghaṛṛaho wuassu Ruata wuṛṛu anumpitanna pitu udde. I Ya'u masingkata apa apan a'olaanni yamiu. Unni Tou i yamiu wiakka, wutte'e nate!

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

LUKAS 15:24

Ana waugu ana'u indi natete, orassa indi nabbiakke apia; i tou nawul᷊ite, orassa indi niasombangante apia.’ See i mangitou nanattakke naandeangnga.

MATIUS 8:22

Arawe Mawu Yesus sinumimbakka, “Tantalongke si ya'u, wuṛṛu wala'e taumata nate mallabingngu taumatane nate udde sassane.”

2 KORINTUS 5:14

Ete darangngun Kristus apan uataṛṛino si yami; wuṛṛu i yami naatutukke manungku amungkangngu sangkatou buatte nate hunan taumata nambo, ne atappasanne manungku taumata sarangkanambone buatte nate.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.