EFESUS 1:21 - WUKE SUSI WATTI'U AL᷊AL᷊USASSA

²¹ Aiananni Kristus udde mattanggaṛṛane marau wuassu al᷊awo'u aianannu pamarenta, al᷊awo'u tembonanne, al᷊awo'u piaṛṛangnge, al᷊awo'u manga tuangnga wuṛṛu isai lai apan buatte nionggol᷊annu aiananne apan matanggakka, mawae udde mabbiakka su tempo indi, ara'e mabbiakka su tempo addantane.

EFESUS 1:21 Referans Kwoze

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

IBRANI 1:4

Ana'a udde naasombate aianan-Ne apan lembon atanggaṛṛanne wuassu mala'ekatta, wuṛṛu aranna apan nionggolu Ruata si Tou lai lembon awantuhanne wuassu aranna apan nionggolla su mala'ekatta.

WATTI'U MANGA RASUL 4:12

Tumba'u sulal᷊ummu Mawu Yesus sassane taumata masal᷊amatta. Ana waugu su ahewallu runia indi su wallattu taumata tawe saran sangkatou taumata waine maasomba taṛṛino wuassu Ruata ipanal᷊amatta si ite.”

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

EFESUS 3:10

Pandumannu Ruata eteudde, tadea'u orassa indi, wuassu jamaatta sarangkanambone apan uaagassa taṛṛino su winalanganna masingkatu apanden Duata su al᷊awo'u inolaanne.

EFESUS 6:12

Ana waugu i ite mammanara, wal᷊inewe lumawangnga atatohassu manga setanna apan uaparenta su tempo apan lel᷊eo indi. I ite lumawangnga atatohassu manga ghaṛṛaho lal᷊eo apan uaparenta winalanganna.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

MATIUS 12:32

Amungkangngu taumata mabbisara wisara tatompola su Ana'u Taumata, i tou wotongnge ampunganna, arawe amungkangngu i tou mangngaddio'a Ghaṛṛahon Ruata, i tou tawe aampunganna, mapia orassa indi ara'e lai su panginsueanne!”

IBRANI 2:5

Manga mala'ekatta tawe naasomba taṛṛino wuassu Ruata ipamarenta runia wakku apan sarun dumanta, eteudde runia apan tantal᷊anna ipagahatong kite indi.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.