DARALO 98:4 - WUKE SUSI WATTI'U AL᷊AL᷊USASSA

⁴ Lallala'e su Mawu, ei ahewallu runia! Paddalote Mawu ringannu aantari wuṛṛu hion lal᷊uassa.

DARALO 98:4 Referans Kwoze

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

DARALO 100:1

Daralo hunan sasamba aadiangkamanna. Lallala'e su Mawu, ei ahewallu runia!

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

DARALO 66:1

Su piaṛṛa'u mangangantari. Sambau antari. Lalluasse hunan Duata, ei ahewallu runia!

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

DARALO 95:1

Wette i ite mangantari maddalo Mawu, lullala'a su mananal᷊amatti ite!

SONDAPPA 19:1

Napawe wua'udde i ya'u naaringikka sambau naal᷊ihidda tingikku taumata nambo wuassu surga apan u'ui, “Paddalote Ruata! Ruatang kite eteudde Ruata apan mannal᷊amatta; i Tou Ruata awantuhanne wuṛṛu mataṛṛino!

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

ZEFANYA 3:14

Ei Israel, paggiote wuṛṛu pangantarite! Ei Yerusalem, lalluasse ringannu ahewallu naungnga!

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

DARALO 67:4

Antimanna manga walahanna maddalo Si'o, oh Ruata, antimanna anambon walahanna maadiangkamanna Si'o.

YESAYA 42:11

Ṛinone wadda'u anne wuṛṛu manga soane maddalo Mawu, mappianne tumana'u Kedar maddalo si Tou! Ṛinone tumana'u soa Sela umui lullala'a, wuṛṛu mangngintul᷊i wuassu puiddu wowone!

DARALO 66:4

Ahewallu runia niumal᷊intudda massubba Si'o, i mangitou mangngantari maddalo Si'o.”

DARALO 71:22

I ya'u maddalote Si'o, ringannu gambus, ana waugu I'o mapia, oh Ruata'u. I ya'u mangantariten daralo Si'o ringannu kecapi, oh Ruata susin Israel.

DARALO 95:2

Wette i ite sumaruanna si Tou ringannu antari aadiangkamanna, lumala'u Mawu ringannu aantarin daralo.