DARALO 98:1 - WUKE SUSI WATTI'U AL᷊AL᷊USASSA

¹ Daralo. Pangantariten aantari wakku su Mawu, ana waugu manga inolaan-Ne apan maatiangnga! Ringannu taṛṛino wuṛṛu atatohan-Ne sassane, i Tou naauntungke.

DARALO 98:1 Referans Kwoze

SASABANGNGA 15:6

Atatohan-Nu mangke ma'atiangnga, oh Mawu, I'o na'ola,a seetta nasue-sue.

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

SONDAPPA 14:3

Su saruannu adderan araratuanna wuṛṛu sire appata riadianna wuṛṛu manga piaṛṛange uapal᷊iwutta adderan araratuanna udde, 144.000 su atoune udde mangngantari sambau antari wakku. Antari udde tawe aurumannu saran sangkatou, tumba'u sire 144.000 su atoune udde apan suete nipallosa wuassu runia.

DARALO 96:1

Pangantarite aantari wakku su Mawu! Pangantarite su Mawu, ei ahewallu runia!

DARALO 33:3

Pangantariten aantari wakku su Mawu, pannalangke kecapi mapia-pia paggiote ringannu al᷊al᷊uassa!

DARALO 96:3

Wattia'e awawantu-Ge su manga walahanna, wuṛṛu manga inolaan-Ne apan matohassa su umattu taumata.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

WATTI'U MANGA RASUL 2:11

pia manga taumatan Yahudi wuṛṛu pia lai manga taumatam walahanna waine apan suete sinumutta agaman Yahudi; pia lai nirumanta wuassu Kreta wuṛṛu Arab. I ite sarangkanambone maaringikka i mangitou mabbisara sulal᷊ummu wisarang kite sambau-sambau su ola'u hatto apan ma'aherangnga apan niola'u Ruata!”

LUKAS 1:49

Ana waugu Ruata Lembo Mataṛṛino nandantan inolaanna wahewa si ya'u. Naukkassa aran-Ne.

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

YESAYA 63:5

I Ya'u maddea'a, arawe taweddu natul᷊ungnga, i Ya'u naherangnga manungku taweddu massumbala. Wua'udde atatoha-U sassane apan natul᷊ung-Ku, asasa'u-U apan nassumbala si Ya'u.

YESAYA 42:10

Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

DARALO 149:1

Paddalote Mawu! Pangantariten aantari wakku su Mawu, paddalote si Tou sulal᷊ummu ammul᷊annu al᷊aṛṛanang-Nge!

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

YESAYA 59:16

I tou nahrangnga manungku taweddu nirumanta wuṛṛu tate laiddu nanamba'a. Ne i Tou nappaattu taṛṛino-Ne sassane ipanal᷊amatta wuṛṛu ipangonggollu auntunganna si mangitou.

DARALO 139:14

I ya'u maddalo Si'o ana waugu apapia-Nu si ya'u nipangillembo! Al᷊awo'u inolaan-Nu maaheranga wuṛṛu maatiangnga, i ya'u atonna-tonna naatutukke.

DARALO 136:4

Tumba'u i Tou apan ma'ola'a manga al᷊aṛṛindu'a apan wahewalla; darangngu-Ne tawe panguddusanne.

DARALO 105:5

Ei papapulunni Abraham, allang-Nge, wuṛṛu papapulunni Yakub, taumata nipile-Ne, naungete anambon al᷊aṛṛindu'a apan niolang-Nge, imbaṛṛangnga maabul᷊in manga parenta-Ne.

DARALO 86:10

Ana waugu I'o matohassa wuṛṛu ma'ola'a manga al᷊aṛindu'a, tumba'u I'o Ruata.

DARALO 77:14

Oh Ruata al᷊awo'u inolaan-Nu na'ukkassa, isai ere ahewallu Ruatan kami?

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

WATTI'U MANGA RASUL 19:20

Ete aroddi, ringannu saṛṛene apan wahewalla udde wisara Mawu mangke inasingkatanna wuṛṛu a'atambanna taumata apan mangngimanna.

SONDAPPA 6:2

Ne i ya'u naasilo, see niasiloanna sambau awal᷊o mawira. Sumasa'ene uaaggasa sambau anaanna wuṛṛu i tou nionggol᷊annu sambau mahkota. I tou u'amatta ere sangkatou apan naauntunga inai mangaṛṛo auntunganna.

AYUB 40:9

Apa i'o matohassa ere i Ya'u? Wotongngewe tingikku rumallu'a ere tingi-U?

DARALO 72:18

Daralo su Mawu, Ruatan Israel! Tumba'u i Tou apan ma'ola'a inolaanna maatiangnga.

DARALO 89:14

Aroddi ahewalle taṛṛino-Nu, wuṛṛu aroddi ahewalle atatohan-Nu!

YESAYA 12:5

Pangantarite paddalo Mawu, ana waugu i Tou na'ola'a manambo al᷊aṛṛindu'a. Wala'e ahewallu runia maddaringikka ola'u inolaan-Ne.