DARALO 97:7 - WUKE SUSI WATTI'U AL᷊AL᷊USASSA

⁷ Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

DARALO 97:7 Referans Kwoze

IBRANI 1:6

Arawe su tempo Ruata nandolokku Anang-Nge pahul᷊u watukku runia indi, Ruata nabbisara arendi, “Anambon mala'ekattu Ruata ṛinone massuba Ana'a udde.”

YEREMIA 10:14

Naasilo sarangkanambone udde taumata naatutukke, manungku i tou woddo wuṛṛu tawe pasasunna. Manga basen wul᷊awanna niawul᷊iannu hatine, ana waugu paal᷊uanna sassubbanna lanna'u limane udde awusu wuṛṛu tawe sasangngone.

YESAYA 42:17

Taumata apan mangngimanna su paal᷊uanna sassubbanna wuṛṛu mangnga'u udde maola'a mawu mangitou, sarun lobbosanna wuṛṛu pansilianna.”

IMAMATTA 26:1

Mawu nabbisara, “Imbaṛṛangnga ma'ola'a monganna ara'e mallanginnu paal᷊uanna ara'e diṛṛi watu apan niuitta ana see subbanna. Ete i Ya'u Ruatanu.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

TAHIUL᷊E 5:8

Imbaṛṛangnga i yamiu ma'ola'a paal᷊uanna apan uasul᷊ungngu saranapa su langitta, su runia ara'e sulal᷊ummu ua'e su winangunanna.

SASABANGNGA 25:20

wuṛṛu olaanna uasasaruanna ringannu papaidda apan uasiappaka su wantalla udde.

1 SAMUEL 5:3

Sutempo tumana'u Asdod tiṛṛabbine marua allo rumanta sutampa patataṛṛamawuanna udde, i mangitou naasilo manungku paal᷊uanni Dagon nanawo uarammangnga su leta'a, su saruannu Wantallu Pa'airen Mawu! I mangitou namengketta pa'al᷊uanna udde wuṛṛu nisul᷊e apia su tampane.

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YESAYA 45:16

Anambon taumata apan mallanginnu paal᷊uanna sassubbanna; sarun pansilianna wuṛṛu al᷊uandahanna.

YEREMIA 2:26

Mawu nabbisara, “Naal᷊ihidda taṛṛata'o naapendamma asasili sutempo niata'apanna, etearoddi lai i yamiu sarangkanambone sarun maapendamma asasili, ei taumatan Israel, manga ratu wuṛṛu manga tembonannu, manga imam wuṛṛu manga nabinu!