DARALO 97:4 - WUKE SUSI WATTI'U AL᷊AL᷊USASSA

⁴ Sawallo-Ne mannemakka runia, runia nangindo naasilo si Tou.

DARALO 97:4 Referans Kwoze

DARALO 77:18

Winabbawa mannosokku uranna, rallu'a mappose; sawallo ma'ilatta su al᷊awo'u tampa.

DARALO 104:32

Ito na'ellega runia wuṛṛu naola'a mangngindo, manga wowone nieṛṛetan-Ne, na'oman sara timbulle sinumabbangnga.

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

DARALO 114:7

Ei runia, pangindote su saruannu Mawu, su saruannu Ruatan Yakub,

DARALO 96:9

Passubbate Mawu ringannu ual᷊uṛṛen laubbu patataṛṛamawu! Pangindote su saruan-Ne, ei ahewallu runia!

AYUB 9:6

Ruata nandiaddi linukka na'oman sara runia niumio'a, wuṛṛu diṛṛi uatumpilla runia niumal᷊ore,

AYUB 37:3

Su ahewallu langitta i Tou namallossu sawallo-Ne; i Tou nandolokku sawallo-Ne watukku pentakku runia.

DARALO 77:19

Rallu'a mappose, sawallo mabbeessa, runia niumio'a wuṛṛu nangindo.