DARALO 97:11 - WUKE SUSI WATTI'U AL᷊AL᷊USASSA

¹¹ Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

DARALO 97:11 Referans Kwoze

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

AYUB 22:28

Inasaharannu sidutu sarun pia gessine, wuṛṛu asasemakka sarun manemakka pabbiaṛṛannu.

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

GALATIA 6:8

Amungkangu taumata massuanna tumuṛṛuttu pallal᷊agun taumata, i tou sarun mangitingnga apapate wuassu pallal᷊agune udde. Arawe amungkangu i tou massuanna tumuṛṛuttu piaṛṛa'u Ghaṛṛahon Duata, i tou sarun mangitingnga wiakka tutune wuṛṛu mal᷊annu-l᷊annu wuassu Ghaṛṛahon Duata.

DARALO 18:28

Taumata apan naungnge mawawo I'o nanal᷊amatta, arawe taumata mawunga niapasuṛṛubawa-Nu.

ESTER 8:16

Taumatan Yahudi naapendamma matamudda wuṛṛu mal᷊uassa, mal᷊angnganna wuṛṛu lullala'a.

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

YESAYA 62:1

Ana waugu Yerusalem i Ya'u sarun mabbisara, ana waugu Sion i Ya'u tawe uatatana'a mal᷊annabba, maddatingngu i tou iapaasal᷊amatta wuṛṛu auntunganna mabbanala ere sasol᷊oanna sutempo ṛabbi.

AYUB 11:17

Pabbiaṛṛannu sarun maola'a massemaṛṛanna wuassu allattune, wuṛṛu manga tempo marandumma sulal᷊ummu pabbiaṛṛannu asasemmake ere marua allo.

DARALO 68:4

Arawe taumata ma'imanna lullala'a wuṛṛu lulluassa, i mangitou mangngintul᷊in al᷊al᷊uassa su saruannu Ruata.

YESAYA 58:8

Ne asasemakka sarun sumabbangnga si yamiu ere matannallo, wuṛṛu manga lessanu mal᷊ihakke mapia. I Ya'u sarun makkundinganna si yamiu. Daranta-U sarun mallu'adda si yamiu wuassu al᷊awo'u pappi'uanne.