DARALO 97:10 - WUKE SUSI WATTI'U AL᷊AL᷊USASSA

¹⁰ Ei i yamiu apan mandangngu Mawu, aratinten al᷊al᷊eo! Ana waugu Mawu ual᷊u'adda wiakku al᷊aṛanang-Nge, i Tou namallossi mangitou wuassu taṛṛinon taumata lal᷊eo.

DARALO 97:10 Referans Kwoze

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

DARALO 145:20

I Tou mallu'adda suapan taumata apan marangngu si Tou, arawe taumata lal᷊eo nipate-Ne.

DARALO 34:14

Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.

YEREMIA 15:21

I Ya'u sarun mamallonu wuassu taṛṛino manga taumata lal᷊eo apan maṛṛagissa. I Ya'u, Mawu, buatte nabbisara.”

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

DANIEL 3:28

Ana see ratu nabbisarate, “Paddalote Ruata apan sassubbanni Sadrakh, Mesakh wuṛṛu Abednego. I Tou buatte nandolokku mala'ekan-Ne iapasal᷊amatta siri tallu allang-Nge apan mangngimanna si Tou. I mangitou buatte nilumawangnga parenta'u wuṛṛu mappianne nate wuassu massubba ara'e maddalo al᷊awo'u monganna tabbene'e Ruatan mangitou sassane.

2 TESALONIKA 3:2

Aal᷊iomante lai tadea'u Ruata manal᷊amatta si yami wuassu manga taumata lal᷊eo. Ana waugu tawe anambon taumata mangngimanna watti'a wuassu Mawu udde.

AMSAL 2:8

Mawu ual᷊u'adda manga taumata apan ma'ola'a atatul᷊idda wuṛṛu mannillumma si mangitou apan marangngu si Tou.

DARALO 31:23

Sulal᷊ummu i ya'u niumal᷊ingu i ya'u massunna Mawu buatte nandamme'u wuassu araratuan-Ne. Arawe i Tou buatte naddaringikka sasal᷊ande'u sutempo i ya'u sinumal᷊ande si Tou.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

1 YOHANES 4:19

I ite mandangngu, ana waugu Ruata doronete nandangngu si ite.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

DARALO 125:3

Taumata lal᷊eo sarun sidutu uataṛṛino su leta'a pussa'an taumata matul᷊idda, tadea'u taumata mapia tawe lai ma'ola'a al᷊al᷊eo.

DARALO 119:163

Al᷊awo'u awusu ta'u ipaddantinna, arawe tita-Nu arangnguangku.

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

ROMA 7:24

Ne, aroddite ola'u riri'u: i ya'u tuttuṛṛutta tita Duata ringannu ṛingiṛṛangku, arawe ringannu pallal᷊agu'u ere sangkatou taumata, i ya'u uasuṛṛubawa su rosa. Tumanite nal᷊ongonna i ya'u indi! Isai maapulu manal᷊amatta si ya'u wuassu wadangnga indi apan mangngapi'u su papate? Adiangkamanna su Ruata! I Tou maapulu manal᷊amatta si ya'u sulal᷊ummu Mawu Yesus Kristus.

ROMA 7:15

Ana waugu i ya'u sassane tawe maasunna pallal᷊agu'u. Manga inolaanna apan ipaapulu'u, tawe ta'u olaanna, arawe manga inolaanna ipaadiri'u, udde a'olaangku.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

DARALO 119:104

Manga tita-Nu nangonggolu pasasunna si ya'u, na'oman sara i ya'u maddantinnu pallal᷊aghu lal᷊eo.

DARALO 101:3

al᷊al᷊eo tawe ta'u iwala. Ta'u ipaddantinna pallal᷊aghun taumata apekka, wuṛṛu maddirite masasangkapia mangitou.

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

DARALO 121:7

Mawu sarun mallu'adda si'o wuassu asasilaka, i Tou uariaga si'o tadea'u wiakku sal᷊amatta.

AMOS 5:14

Pattinsahadde ma'ola'a apapia wuṛṛu imbaṛṛangnga ma'ola'a al᷊al᷊eo, tadea'u i yamiu wiakka. Ne Mawu Apan Lembontaṛṛino sarun atonna-tonna matana'a suwallatti yamiu ere buatte niwasaran kamiu.