DARALO 97:1 - WUKE SUSI WATTI'U AL᷊AL᷊USASSA

¹ Mawu uddewe Ratu! Ṛinone runia udde lumala'a, wuṛṛu manga taṛṛanusa lumuassa.

DARALO 97:1 Referans Kwoze

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

DARALO 99:1

Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

SONDAPPA 11:17

I mangitou nabbisara, “Mawu, Ruata Lembon Taṛṛino, apan nirumanta, wuṛṛu nirumantate! I yami ma'adiangkamanna Si'o ana waugu I'o suete nappa'attu taṛṛino-Nu apan bahewalla, wuṛṛu nanattakke mammarenta!

MARKUS 11:10

Nial᷊amatante araratuan-Ne apan sarun dumanta – araratuanni Ratu Daud, iupungngu al᷊amonang kite! Dalo su Ruata Apan Atanggaṛṛanne!”

ZEFANYA 2:11

Mawu sarun ma'ola'a si mangitou matta'utta. I tou sarun makkimunsa'a manga monganna su runia. Wua'udde anambon walahanna mattaṛṛamawu su Mawu, sambau-sambau su wanuane sassane.

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

PANDARIADDI 10:5

I mangitou yupungngu manga walahanna apan uatana'a su al᷊o'engngu apanne wuṛṛu su manga taṛṛanusa. Eteudde anambon papapulunni Yafet. Suapan walahanna wuṛṛu ṛuanganna apan uatana'a su wanuane sambau-sambau, wuṛṛu uatahuanna manga sasinaukke sassane.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

MATIUS 6:10

Ete I'o Ratung kami. Antimanna I'o mamarenta su runia wuṛṛu apulu-Nu tatuṛṛutanna ere lai su surga.

MATIUS 3:3

Ete i Yohanes udde taumata apan pappandumannu Nabi Yesaya sulal᷊ummu manga wisarane indi, “Pia taumata u'al᷊iata su wadda'a, ‘Saddiaite lal᷊annu Mawu; rataṛṛa'e lal᷊anni Tou.’ ”

OBAJA 1:21

Tumana'u Yerusalem apan matohassa sarun mamangalo Edom wuṛṛu mamaddone. Ne i Ya'u Mawu sarun mamarenta maola'a ratu.”

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YESAYA 51:5

Asasal᷊amatta apan Ta'u ionggolla maranite; tempon auntungang-Ku maranite ma'oma. I Ya'u sassane sarun mamarenta manga walahanna. Manga wanua apan marau mangke uaraṛṛaddo si Ya'u wuṛṛu uaantimma inolaang-Ku apan matohassa.

YESAYA 49:1

Paddaringikke si ya'u, ei manga wanua apan marau panutukke manga wisara'u. Mawu namaggo si ya'u tantal᷊anna i ya'u taambe niasungkanga, i Tou namile si ya'u ro'en ta'e sulal᷊ummu illoṛṛo.

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”

YESAYA 41:5

Tumana'u manga wanua marau ma'asilo sarangkanambone apan buatte niola-U. I mangitou niṛṛumindu'a wuṛṛu mangngindon atata'utta, see na'ammulla su sambau wuṛṛu nirumanta.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

DARALO 2:11

Pattaṛṛamawute Mawu ringannu maadunna,

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.