DARALO 94:23 - WUKE SUSI WATTI'U AL᷊AL᷊USASSA

²³ I Tou nakkuumannu taumata lal᷊eo uasul᷊ungngu al᷊al᷊eone, wuṛṛu napal᷊annabi mangitou ana waugu rosane. Mawu Ruatan kite sarun mapal᷊annabi mangitou.

DARALO 94:23 Referans Kwoze

DARALO 7:16

I tou naal᷊i loṛangnga ipagau taumata waine, arawe i tou sassane nanawo sulal᷊umme.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

AMSAL 2:22

Arawe taumata lal᷊eo wuṛṛu marosa sarun iwaretan Duata su liuddu wanua udde, ere nannal᷊o niabutta wuassu leta'a.

DARALO 55:23

Tantil᷊a'e asasinggawangu su Mawu, ne i Tou sarun massumbada si'o; ana waugu taumata matul᷊idda tawe iwala-Ne iapawaddo.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

DARALO 64:8

Arawe Ruata namiti'u anaan-Ne si mangitou, wuṛṛu inaṛombanganne i mangitou nal᷊essa.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

DANIEL 7:24

Su mapul᷊o tandu'a udde eteudde siri mapul᷊o ratu apan sarun mamarenta araratuanna udde. Wua'udde sangkatou ratu apan waine sarun dumanta; i tou sarun uapapaṛṛala atonna ringannu manga ratu apan paarororne, wuṛṛu i tou sarun mamaddon siri tallu ratu.

YEHEZKIEL 18:24

Arawe amungkangngu sangkatou apan mapia tate ma'ola'a apapia lai, ewe'e mannatakke ma'ola'a al᷊al᷊eo wuṛṛu al᷊awo'u inolaanna ma'arantinna apan inanaramanne a'olaannu taumata lal᷊eo, apa i tou sidutu wiakka? Tawe! Wuassu manga inolaanne apan mapia udde, tawe saran sambau apan naunganna apia. I tou sarun mate ana waugu na'ola'a rosa wuṛṛu tawe satia si Ya'u.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

DARALO 12:3

I mangitou sarangkanambone uawawahia, uawawahia ringannu manga wisara apan manenengnga.

ESTER 7:10

Etearoddi Haman nihantongnga su diṛṛi apan buatte niolangnge panggantonganni Mordekhai. Wua'udde nompo'e asasa'un datu.

MAL᷊AṚṚUUNGNGA 9:57

Ne Mawu nakkuumannu lai manga taumatan Sikhem ana waugu al᷊al᷊eon mangitou. Olangnge udde naṛino ere lai buatte niapasingkatti Yotam ana'i Gideon su ola'i mangitou su tempo i tou nassalun mangitou.

2 MARARATU 19:7

Mawu sarun ma'ola'a ratun Asyur mangimanna watti'u manu'u salleanna ma'oman sara i tou mabelenga watukku wanuane sassane, wuṛṛu poiaroddi i tou sarun pateanna.”

ESTER 9:25

Arawe Ester sinumaruanna ratu, wuṛṛu ratu nangonggollu parenta uawoṛṛetta na'oman sara hol᷊aga lal᷊eo apan niola'i Haman naṛṛia'a su watanganne sassane, wuṛṛu lai i tou see al᷊aṛṛanangnge nihantongnga su diṛṛin panggahantonganna.

DARALO 109:20

Mawu, paarua'a ṛuumanna udde su mangngangasila si ya'u, su taumata apan mabbisaran al᷊al᷊eo si ya'u.

AMSAL 5:23

I tou nate ana waugu tawe manengkamma tataggu. Awawoddone nangapiddi tou su lal᷊annu papate.

YEREMIA 36:31

I'o, papapulunnu, wuṛṛu manga tembonannu sarun Ta'u iṛṛuumanna ana waugu manga rosa apan niola'i yamiu. I Ya'u sarun mandanta si yamiu asasilaka apan Ta'u maria'a yamiu, ana waugu mawae i'o aroddi lai tumana'u Yerusalem tawe manutukka manga wawansa-U.”