DARALO 94:21 - WUKE SUSI WATTI'U AL᷊AL᷊USASSA

²¹ I mangitou suadio'a lumawangnga taumata matul᷊idda, wuṛṛu nakkuumanna pateanna taumata apan tawe sal᷊ane.

DARALO 94:21 Referans Kwoze

MATIUS 27:1

Ruaallo atonna, manga imam tembonanne wuṛṛu piaṛṛa'u Yahudi naṛṛawesse manungku Mawu Yesus pateanna.

AMSAL 17:15

Taumata maddantinnu taumata apan mappaṛṛinon taumata lal᷊eo, wuṛṛu mapasal᷊an taumata apan tawe sal᷊ane.

DARALO 59:3

Pallosaawe i ya'u wuassu taumata apan ma'ola'a al᷊al᷊eo, liuaawe i ya'u wuassu manga taṛṛa pate.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

SASABANGNGA 23:7

Paaraua'a aansilla awusu wuṛṛu imbaṛṛangnga taumata tawe sal᷊ane iṛṛuumanna pateanna, ana waugu i Ya'u tawe manamba'a taumata apan ma'ola'a al᷊al᷊eo ereudde.

YAKOBUS 5:6

I yamiu maṛṛuumanna wuṛṛu mammate manga taumata apan tawe sal᷊ane, wuṛṛu i mangitou tawe lumawangnga si yamiu.

MATIUS 27:4

I tou nabbisara, i ya'u suete na'ola'a rosa nandal᷊eo taumata tawe sal᷊ane, na'oman sara i Tou niṛṛuumanna pateanna! Arawe i mangitou sinumimbakka, “Masingkattu apa i yami? Udde singkannu!”

YEHEZKIEL 22:27

Manga tembonanne su pamarenta ere serigala apan mammaṛṛu wiakke. I mangitou ma'ola'a pamamate tumba'u ana maddea'a auntunganna.

YEHEZKIEL 22:12

Piaddu lai apan naola'a mamamate wabbaeṛṛanna, taṛṛal᷊inga wuṛṛu taṛṛa woddo manga taumata sambalahanne. I mangitou sarangkanambone na'abul᷊i-U te. I Ya'u Mawu Apan Atanggaṛṛanne buatte nabbisara.

AMSAL 1:11

unnu wisara i mangitou mabbisara, “Otte, wette i ite maddea'a taumata wuṛṛu makkimpulunna si tou. Hunan ipallal᷊akkanga, wette i ite mamangalo taumata apan tawe sal᷊ane.

DARALO 22:16

Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

1 MARARATU 21:19

wuṛṛu wal᷊oa'a si tou manungku i Ya'u, Mawu, nabbisara arendi, ‘Buatte namate, mangaṛṛo lai! Ana waugu udde daṛṛanu sarun lewanu asu su tampan manga asu apan nallewa daṛṛan Nabot!’ ”

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

YEHEZKIEL 22:6

Anambon piaṛṛa'u Israel mangngasakku atatohanne sassane wuṛṛu ma'ola'a pamamate.

YEREMIA 26:15

Arawe naunge, amungkangngu i yamiu mamate si ya'u, i yamiu wuṛṛu tumana'u soa indi sarun mamasanna pasasal᷊a su pamamate taumata apan tawe sal᷊ane. Ana waugu, ete Mawu apan nandolo'u mamasingkattu tataggu udde si yamiu.”

AMSAL 1:16

I mangitou tawe matatana'a mal᷊annabba amungkangu taambe na'ola'a al᷊al᷊eo. I mangitou apulune mal᷊iha-l᷊ihakka mamate.

DARALO 106:38

I mangitou napaturon daṛṛan taumata tawe sal᷊ane, daṛṛan manga ana'i mangitou sassane, tadea'u ionggola su manga paal᷊uanna; na'oman sara wanua udde nil᷊al᷊eon mangitou.

DARALO 56:6

Mamiallo see'u mangngal᷊iba'ukku hatto'u, i mangitou sidutu maddea'a manilaka si ya'u.

2 TAWARIKH 24:21

Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”

DANIEL 6:8

I yami sarangkanambone apan mallu'adda araratuanni Tuangku, mawae manga mandariaga, manga gubernure wuṛṛu manga tembonanne waine, buatte nabbaidda maddorongnga tadea'u Tuangku mapasabbangngu suratta parenta apan ṛinone tattuṛṛutanna ringannu atonna-tonna. Ṛinone Tuangku mamarenta tadea'u su al᷊annunne tallun pul᷊o su allone tawe saran sangkatou iwala mangapiddu darorongnga suwallattu sambau monganna ara'e taumata, tabbene'e si Tuangku sassane. Isai-sai apan nilumawangnga parenta udde sarun itaṛṛo sulal᷊ummu loṛṛangngu singa.