DARALO 94:10 - WUKE SUSI WATTI'U AL᷊AL᷊USASSA

¹⁰ I Tou apan mangngaṛṛa'a manga walahanna, apa i Tou tawe makkuumanna? I Tou apan nabbal᷊i mananantiron anambon taumata, apa i Tou tawe uatahuanna asingkatta?

DARALO 94:10 Referans Kwoze

AYUB 35:11

wuṛṛu nangonggolla su taumata ṛingidda mapia, nilumebbe wuassu manu'a wuṛṛu winatangnga su runia.

YESAYA 28:26

I tou masingkatta ola'u manarane, ana waugu buatte niaṛṛaannu Ruatane.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

DARALO 44:2

Oh Ruata, i yami naaringikke sassane wa'e apan niwatti'u al᷊amonan kami su ola'u manara wahewalla apan buatte niolang-Ngu sutempo dorone.

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

HABAKUK 3:12

Ringannu mammasaga I'o mammal᷊intadu runia; manga walahanna ringannu niṛṛinda-Nu ana waugu al᷊al᷊oson naungnga.

HABAKUK 1:12

Mawu, ro'en al᷊omonane I'o uddewe Ruata. I'o Ruata'u apan susi wuṛṛu saran mal᷊annu-l᷊annu. Mawu, Ruata'u wuṛṛu mallal᷊u'adda si ya'u, walahannu Babel udde nipile-Ne wuṛṛu niolang-Ngu matohassa ipakkuumanni yami.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

YEHEZKIEL 39:21

Mawu nabbisara, “I Ya'u sarun mapaellegu awawantu-U su manga walahanna. I mangitou sarangkanambone sarun maasilo ereapa i Ya'u mappaattu taṛṛino-U mapaamattu manga manara-U apan matul᷊idda.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

AMSAL 2:6

Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

DARALO 119:66

I ya'u aonggol᷊ewen apande wuṛṛu asingkatta, ana waugu mangngimanna su manga parenta-Nu.

DARALO 10:16

Mawu uaparenta saran mal᷊annu-l᷊annu; manga walahanna apan tawe maaillal᷊a si Tou sarun mawul᷊i wuassu letang-Nge.

DARALO 9:5

Ana waugu I'o mammarenta naola'a mallaṛṛuungnga apan matul᷊idda; I'o buatte nanahekku hatto'u.

DARALO 149:7

ipabbal᷊issa manga walahanne, apan nakkuumannu manga wawosoanna;

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.