DARALO 93:1 - WUKE SUSI WATTI'U AL᷊AL᷊USASSA

¹ Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

DARALO 93:1 Referans Kwoze

DARALO 96:10

Wattia'e su manga walahanna, “Mawu udde Ratu! Runia matohassa tawe ia'io'a; i Tou sarun makkuungngu manga walahanna ringannu atatul᷊idda.”

DARALO 99:1

Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.

1 TAWARIKH 29:12

Anambon pa'a'ala wuṛṛu lal᷊umanna'a darantane wuassu Mawu; al᷊awo'u riadianna I'o uataṛṛino ringannu atatohassa wuṛṛu taṛṛino apan atanggaṛṛanne; I'o uataṛṛino manenegu taumata maola'a taumata aaddatanna wuṛṛu matohassa.

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

DARALO 103:19

Mawu uaparenta su surga, i Tou ratu apan uataṛṛino al᷊awo'a.

DARALO 65:6

I'o sinumimbakka si yami ringannu nangonggolu auntunganna si yami, I'o na'ola'a inolaanna apan maatiangnga ipanal᷊amatta si yami! Ete I'o antimannu anambon walahanna maddatingngu tahal᷊oangnga apan marau.

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

YESAYA 45:12

Ete i Ya'u Mawu apan nandiaddi runia, wuṛṛu nandiaddi taumata mamanua isudde. Ringannu taṛṛino-U i Ya'u namilattu langitta, wuṛṛu namarenta matannallo, wul᷊anna wuṛṛu manga anumpitanna.

DARALO 97:1

Mawu uddewe Ratu! Ṛinone runia udde lumala'a, wuṛṛu manga taṛṛanusa lumuassa.

DARALO 59:13

Ana waugu i mangitou u'al᷊iomanna ringannu manga wisaran mangitou; wala'e i mangitou iasongngan awawungane, ana waugu i mangitou apulune mammontoga wuṛṛu mammahia.

IBRANI 1:8

Arawe su Ana'a udde, Ruata nabbisara, “Adderan araratuannu, oh Mawu, sarun ma'oman sara mal᷊annu-l᷊annu! Araratuannu udde araratuanna apan matul᷊ida.

YESAYA 59:17

I tou nappaattu atatul᷊idda wuṛṛu asasal᷊amatta ere laubba atta'a wuṛṛu araposa waja. I tou mappulu mangapia olangnge udde wuṛṛu mabbal᷊issa apan tawe su atatul᷊idda.

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 11:5

I tou mammanara ringannu matul᷊idda wuṛṛu satia sulal᷊ummu al᷊awo'a.

DARALO 145:13

Pamamarenta-Nu sidutu su al᷊o'engngu tempo, taṛṛino-Nu mattaṛṛangnga maṛṛawa mappulunna. Mawu matuṛṛutta su anambon paaire-Ne, i Tou napenen darangngu sulal᷊ummu al᷊awo'u inolaan-Ne.

DARALO 18:32

Ana waugu tumba'u Mawu udde Ruata; Ruata udde sassane mananamba'a si ite.

AYUB 40:10

Loggakewe watangannu ringannu awawantuga wuṛṛu asaṛṛaungnga, luṛṛea'e awawantuga wuṛṛu apapian naungnga.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

YESAYA 63:1

“Isaite i tou apan nirumanta wuassu Bozra su Edom? laungnge maṛṛamu, peddenne maṛṛamaga; i tou u'amatta ringannu waṛṛani matohassa.” “Ete i Ya'u Mawu apan botongnge manal᷊amatta wuṛṛu nirumanta ringannu uaapiddu watti'u auntunganna.”

YESAYA 52:7

Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

DARALO 75:3

Ruata nabbisara, “Sutempo apan Ta'u nitantunna, i Ya'u sarun makkungnga ringannu atatul᷊idda.

YESAYA 51:16

Ete i Ya'u apan namilattu langitta wuṛṛu nangaddon manga mal᷊ita'u runia. Ya'u nabbisara si Sion: Ete i'o uma-U; i Ya'u mangonggollu al᷊aṛṛa-U si'o wuṛṛu manillumma si'o ringannu taṛṛino-U.”

1 TAWARIKH 16:30

Pangngiladde su saruan-Ne, ei ahewallu runia! Runia matohassa tawe iaio'a.

1 TAWARIKH 16:31

Ei langitta wuṛṛu runia, lalluasse! Pasingkata'e su manga walahanna manungku Mawu uddewe Ratu!

DARALO 65:7

Ringannu atatohan-Nu I'o napararisikku manga wowone, tadea'u mapal᷊iatta'u taṛṛino-Nu apan matohassa.