DARALO 92:14 - WUKE SUSI WATTI'U AL᷊AL᷊USASSA

¹⁴ I mangitou naal᷊ihidda punnu alu apan nisuanna su Wal᷊en Mawu, wuṛṛu sinumindumunna su Wal᷊en Ruatan kite,

DARALO 92:14 Referans Kwoze

YESAYA 46:4

I Ya'u sidutu Ruatanu maddatingngu i yamiu matimmadde; wuṛṛu sidutu ual᷊u'adda si yamiu ma'oman sara i yamiu owananna. I Ya'u nandiaddi si yamiu wuṛṛu sidutu uapaddul᷊i si yamiu, i Ya'u sarun mantul᷊ungnga wuṛṛu manal᷊amatta si yamiu.

DARALO 71:18

Oh Ruata, i ya'u ariewe pattantanga'a, ma'oman sara i ya'u matimmade wuṛṛu owananna, tadea'u i ya'u mapabbatti'u taṛino wuṛṛu atatohan-Nu su anambon papapulunna apan addantane.

YEREMIA 17:8

I tou naal᷊ihidda aal᷊uanna su winggin sal᷊ukka apan mangngelekka; ṛamunne tinumundo naddatingngu ua'e. I tou tawe mata'uttu tempom paddissa, manga rongngane sidutu mangngelomma. Salaiwe wanua niaṛṛiaannu tandiawa, i tou tawe suminggawangnga ana waugu i tou sidutu mabbua.

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

MATIUS 3:10

Bal᷊iungnga nasaddiate ipanuwangnga alu, ma'oman sara manga ṛamunne. Al᷊awo'u alu apan tawe mabbua apan mapia sarun tuwanganna wuṛṛu iramme sulal᷊ummu putungnga.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

YEHEZKIEL 47:12

Su al᷊o'engngu winggin sal᷊ukka ruan ba'a sinumapputta anambon hatin aaluanna mabbua. Rongngu alu udde tawe tumolangnga, wuṛṛu manga wuane tawe masue. Manga aaluanna udde sarun mapasabbangu manga wuane wakku suapan bul᷊anna, ana waugu ua'e apan mangngelekka isudde ua'e wuassu Wal᷊e Mawu. Manga wuane nabbal᷊i anna wuṛṛu manga rongngane mahuna olaanna undamma.”

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.