DARALO 91:16 - WUKE SUSI WATTI'U AL᷊AL᷊USASSA

¹⁶ I Tou sarun Ta'u onggol᷊annu uukka mal᷊o'engnga, wuṛṛu Ta'u iapasal᷊amatta.”

DARALO 91:16 Referans Kwoze

AMSAL 3:2

tadea'u mal᷊o'engnga uukku wuṛṛu i'o mabbiakka su al᷊aluassa.

AMSAL 3:16

Asingkatta mangngonggollu uukka mal᷊o'engnga, paa'ala wuṛṛu awawantuga.

DARALO 21:4

I'o nirumanta ringanni tou uaapiddu al᷊amatta manambo, wuṛṛu nalluṛen araposa wul᷊awanna su puane.

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

TAHIUL᷊E 6:2

Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

AYUB 5:26

Naal᷊ihidda gandumma nal᷊ahate, itinganna sutempone, i'o lai sarun mabbiakka mapia maddatingngu matimmadde.

LUKAS 2:30

Ana waugu ringannu mata'u sassane, i ya'u suete naasilo Punnu Sal᷊amatta wuassu Ruata.

AMSAL 22:4

Taumata apan ma'imanna Mawu wuṛṛu sussallungngu watanganne, sarun su lal᷊umanna'a, mal᷊uassa wuṛṛu aaddatanna.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

LUKAS 3:6

Manga taumata su ahewallu runia sarun ma'ellega Ruata manal᷊amatta taumata!’ ”

AMSAL 10:27

Pangaddate Mawu, ne i'o sarun mabbiakka mal᷊annu; taumata lal᷊eo mate tatal᷊anna taambe tempone.