DARALO 91:13 - WUKE SUSI WATTI'U AL᷊AL᷊USASSA

¹³ I'o sarun lumepangnga atoanna wuṛṛu singa, manaidanna singa anangnge wuṛṛu atoanna mawisa.

DARALO 91:13 Referans Kwoze

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

MARKUS 16:18

Amungkangngu i mangitou mangagassa atoanna ara'e ma'inumma pasangkada, i mangitou tawe masilaka. Amungkangngu i mangitou mangandangngu lima su manga taumata marada'a, manga taumata udde sarun mapia.”

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

YESAYA 27:1

Sutempo udde Mawu sarun mappaattu hal᷊ele-Ne apan matohassa wuṛṛu maṛṛoro ipakkuumannu Lewiatan, atoanna apan tuttundo wuṛṛu mammul᷊issa udde, wuṛṛu ipamate nagan tahal᷊oangnga.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

DARALO 58:4

Taumata lal᷊eo nial᷊iwunete ro'en ta'e su illoṛṛo i mangitou mallingate napawe niasungkangke.

ROMA 3:13

Tonggol᷊anni mangitou naal᷊ihida ere lal᷊abinganna apan wawu'anna. Manga awusu wuṛṛu wahia mangngelekka wuassu lila mangitou, wuṛṛu wiwikki mangitou mapaasabangngu aal᷊uandaga, ere wisan atoanna.

AYUB 5:23

Wailla apan pajekoannu sarun tawe batune; winatangnga matengnga sarun tawe tumambo si'o.