DARALO 90:8 - WUKE SUSI WATTI'U AL᷊AL᷊USASSA

⁸ I'o namilattu pasasal᷊an kami su saruan-Nu, rosan kami apan uawuni niasiloan-Nu.

DARALO 90:8 Referans Kwoze

YEREMIA 16:17

I Ya'u naasilo al᷊awo'a apan a'olaanni mangitou. Taweddu uawuni si Ya'u; manga rosan mangitou lai buatte niasiloang-Ku.

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

DARALO 19:12

Allang-Ngu niapanaungngu sarangkanambone udde; lal᷊antakke apan wahewalla su taumata apan matuṛṛutta.

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

1 YOHANES 3:20

I ite masingkata, manungku amungkangu i ite iapaasal᷊an naungngi ite, asingkatu Ruata maggewal᷊anne wuassu asingkattu naungngi ite, wuṛṛu i Tou masingkatu sarangkanambone.

DARALO 10:11

Su ṛingidde, “Ruata naabul᷊ite wuṛṛu tate mappandumma; sarangkal᷊oengnge i Tou tawe ma'ellega si ya'u!”

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

YEHEZKIEL 8:12

Mawu nabbisara si ya'u, “Ei taumata apan mattate, i'o naasilote apa apan niola'u piaṛṛa'u Israel ringannu mal᷊anna-l᷊annabba? I mangitou mattaṛṛamawu sulal᷊ummu wabbo'a apan napenen paal᷊uanna ringannu pangiananna manungku i Ya'u buatte nanantangngu wanua indi wuṛṛu tawe ma'ellega inolaanni mangitou.”

AMSAL 5:21

Mawu maasilo al᷊awo'a apan a'olaannu taumata. Suapan taumata umamatta Mawu ual᷊u'adda.

DARALO 80:16

Sal᷊amatewe al᷊aṛṛana'a apan naal᷊ihidda punnu anggore buatte nisuan-Nu sassane, wuṛṛu sollan anggore apan niolang-Ngu matohassa.

DARALO 50:21

Eteudde apan niolangngu, arawe i Ya'u tumba'u mal᷊annaba, nariaddi su ṛingirannu i Ya'u ere lai i'o. Arawe orassa indi i Ya'u mapasal᷊anu, wuṛṛu sarangkanambone udde Ta'u iapal᷊iatta'a si'o.

AYUB 34:21

I tou ual᷊u'adda wiakku taumata, niellehan-Ne al᷊awo'u lempangnge.

IMAMATTA 4:23

ne napawe i tou naatutukka, i tou ṛinone mangonggolu sambau ambinga esakka apan tawe sangkulle ipangampungnga rosane.

IMAMATTA 4:28

ne ringannu mal᷊ihakka napawe naatutukke, i tou ṛinone mangonggolu sambau ambinga wawine apan tawe sangkulle.

AYUB 10:14

I'o ual᷊u'adda si ya'u tadea'u tawe ma'ola'a pasasal᷊a tadea'u wotongnge ito'e-Nu tawe ampunganna.

DARALO 109:15

Wala'e rosan mangitou sidutu nanaungannu Mawu, wuṛṛu taweddu mannaungnga si mangitou su runia.

YEREMIA 2:22

Salaiwe i'o mandeno ringannu mamuṛṛa manambo atonna sabonna, arawe manga luhuddu pasasal᷊anu ta'e lai a'asiloang-Ku.