DARALO 90:13 - WUKE SUSI WATTI'U AL᷊AL᷊USASSA

¹³ Oh Mawu, sara tingngera I'o masa'u? Pabbelengke wuṛṛu akkanaawe manga allang-Ngu.

DARALO 90:13 Referans Kwoze

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

DARALO 135:14

ana waugu I'o nangonggolu atatul᷊idda su al᷊aṛṛanang-Ngu, wuṛṛu niumakkannu manga allang-Ngu.

TAHIUL᷊E 32:36

Mawu sarun manal᷊amatta al᷊aṛṛanang-Nge wuṛṛu umakkannu manga allang-Nge, napawe i Tou maasilo i mangitou lomete wuṛṛu niasueanten atatohassa.

DARALO 80:14

Bawi ahuranganna sinumappa na'oman sara nasue, wuṛṛu winatanga su wadda'a niumanna.

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

AMOS 7:6

Mawu namalu ṛiin-Ne apia wuṛṛu nabbisara, “Indi lai sarun tawe mariaddi.”

AMOS 7:3

Mawu namal᷊u ṛiin-Ne wuṛṛu nabbisara, “Apan niasiloannu udde tawe mariaddi.”

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

DARALO 89:46

I'o nangautta patatingumabasane, wuṛṛu nanaappa si tou ringannu asasili.

ZAKARIA 1:16

Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

YEREMIA 12:15

Arawe napawe buatte napasabbangngi mangitou, i Ya'u sarun umakkanni mangitou apia; suapan balahanna sarun Ta'u iapidda mabbelengnga su wanuane sassane.

DARALO 74:10

Maddatingngu tingngera, oh Ruata, seetta mangngeetta Si'o? Sarangkal᷊o'engnge i mangitou mallobbossa aran-Nu?

SASABANGNGA 32:14

Ne Mawu namal᷊u pandumanne wuṛṛu tate mapaamattu riin-Ne ipangema'a walahanna udde ringannu asasilaka.

SASABANGNGA 32:12

Amungkangngu I'o mamate si mangitou, taumatan Mesir sarun mabbisara manungku I'o namiaṛṛa'u walahannu udde sinumabbangnga wuassu Mesir tadea'u mamate si mangitou su panenteanna wuṛṛu i mangitou sarangkanambone masue. Ariewe aroddi, oh Mawu, wal᷊ute naung-Ngu wuṛṛu ariete manilaka walahanna udde.

REENGANNA 10:36

Wuṛṛu suapan Bantallu Pa'aire udde ma'oma su tampa pangillol᷊oanna, i Musa mabbisara, “Pabbelengke, oh Mawu, su walahannu Israel apan su ṛiwune indi.”

DARALO 6:5

Pabbelengke, Mawu, wuṛṛu liuaawe i ya'u, sal᷊amatewe i ya'u ana waugu darangngu-Nu.

DARALO 80:15

Oh Ruata Apan Lembontaṛṛino, rantate apia, pangintannote wuassu surga wuṛṛu pa'ellege al᷊aṛṛanang-Ngu.

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.