DARALO 9:19 - WUKE SUSI WATTI'U AL᷊AL᷊USASSA

¹⁹ Tawe sarangkal᷊oengnge taumata asiangnga timbul᷊iananna; tawe sarangkal᷊o'engnge taumata su asasusa tawe antimma.

DARALO 9:19 Referans Kwoze

DARALO 3:7

I ya'u tawe mata'uttu ro'appa ringannu ṛiwune apan ual᷊iwunna si ya'u wuassu al᷊awo'u pi'une.

DARALO 44:26

I yami naṛṛimunsa'a nanawo su leta'a, ual᷊allowanga su awu ana waugu niawaddo.

DARALO 44:23

Ana waugu I'o i yami sidutu uasaruanna papate, wuṛṛu a'olaanna naal᷊ihidda domba apan ṛatanna.

DARALO 10:12

Pabuatte, Mawu, ṛuumana'e taumata lal᷊eo! Naungete taumata apan niallangnga!

DARALO 7:6

wala'ewe i ya'u enggenanna wuṛṛu sametannu seetta, ana see pateanna wuṛṛu itantangnga su leta'a.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

DARALO 149:7

ipabbal᷊issa manga walahanne, apan nakkuumannu manga wawosoanna;

DARALO 79:6

Sabbanga'e asasa'u-Nu su manga walahanna apan tawe maaillal᷊a Si'o wuṛṛu su manga araratuanna apan tawe mattaṛṛamawu Si'o.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

ZAKARIA 14:18

Wuṛṛu amungkangngu taumatan Mesir maddiri mallaghu ramean Andeangngu Rasannu Rongnga, ne i mangitou lai sarun aṛṛiaannu radda'a apan niaprentan Mawu su anambon balahanna apan maddiri inai mattaṛṛamawu.

YOEL 3:12

Mawu nabbisara, “Manga walahanna ṛinone uariahite wuṛṛu inaite watukku Wawal᷊annu Pakkuunganna. Isudde i Ya'u Mawu sarun mamarikissa manga walahana uaal᷊indongannu uma-Ku.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

DARALO 80:2

Oh Mallal᷊u'addu Israel, daringiṛṛewe, I'o apan uapiaṛṛa'u papapulunni Yusuf ere sambau ammul᷊anna. I'o apan ua'ianna su wowon mala'ekatta, rantate ringannu lullansiangnga

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”