DARALO 9:14 - WUKE SUSI WATTI'U AL᷊AL᷊USASSA

¹⁴ Pa'ellege, seetta mannansara si ya'u; akkanaawe i ya'u, oh Mawu, liuaawe i ya'u wuassu papate,

DARALO 9:14 Referans Kwoze

DARALO 13:5

Arie pabbala'a see'u mabbisara manungku i mangitou buatte namaddo'u. Arie pabbala'a i mangitou manappissi'a si ya'u.

DARALO 106:2

Isai wotongnge mamasingkattu atatohassu Mawu, wuṛṛu mangonggolu daralo apan ṛinone si Tou?

DARALO 51:12

Olaawe naungku apan tutune, oh Ruata, limbakuewe naungku ringannu atatohassa apan masabbare.

DARALO 35:9

Ne i ya'u lullala'a ana waugu Mawu, naungku mal᷊uassa ana waugu i Tou nanal᷊amatta si ya'u.

DARALO 20:5

Antimanna i Tou mangonggolu al᷊awo'a apan pappandumannu, wuṛṛu ma'ola'a anambon hol᷊agu pia gessine.

YESAYA 37:22

Mawu nabbisara, “Soan Yerusalem lullage wuṛṛu mallobbossa si'o, Sanherib!

DARALO 21:1

Su piaṛṛa'u mangangantari. Daralon Daud.

1 SAMUEL 2:1

Wua'udde i Hana niumal᷊iomanna, wisarane, “Mawu nalluassa naungku; inolaan-Ne ma'al᷊uassa ṛimuu'u. Ringannu apendamma lullala'a ya'u nangeetta see'u, ana waugu atonna-tonna Ruata buatte nantul᷊ungku.

LUKAS 1:47

wuṛṛu ṛimuu'u lullala'a ana waugu Ruata Mananal᷊ama'u.

HABAKUK 3:18

i ya'u sidutu lulluassa, ana waugu I'o Mawu Ruata mananal᷊ama'u.

MIKHA 4:13

Mawu nabbisara, “Ei tumana'u Yerusalem, roote wuṛṛu ṛindate manga seenu! I Ya'u sarun ma'ola'a si yamiu matohassa ere sapi apan tatandungnge naal᷊ihidda atta'a wuṛṛu anuune witu'a. I yamiu sarun makkimunsa'a manambo walahanna, wuṛṛu paa'ala niasombanganni mangitou wuassu pangangaṛṛo sarun ionggolli yamiu si Ya'u, Mawu ul᷊ilin pati'uppa.”

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”

YESAYA 12:3

Naal᷊ihidda ua'e masunge ma'al᷊uassa taumata marou, etearoddi lai i yamiu lullala'a ana waugu niapasal᷊amattu Ruata.”

DARALO 79:13

Ne i yami al᷊aṛṛanang-Ngu, domba papadul᷊ianan-Nu, sarun maadiangkamanna Si'o saran mal᷊annu-l᷊annu, wuṛṛu maddalo Si'o sara maṛṛawa mappulunna.

DARALO 51:15

Ne i ya'u sarun mangaṛa'u parenta-Nu su taumata marosa, tadea'u i mangitou mabelengnga ringan-Nu.

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

DARALO 35:18

Ne i ya'u sarun maadiangkamanna Si'o su tangngan al᷊aṛanang-Ngu, wuṛṛu maddalo aran-Nu sulal᷊ummu paammul᷊anni mangitou.

DARALO 22:25

Ana waugu i Tou tawe ma'ellega dal᷊eo su taumata lal᷊ebone, wuṛṛu tawe mangaddio'a asasusane. I Tou tawe mabbiṛṛu wuassu taumata udde, arawe maddaringikka amungkangu i tou maiontola si Tou.

DARALO 22:22

I ya'u nallomete, pallosaawe i ya'u wuassu tatandu'u bantenga wuṛṛu wuassu moṛṛongu singa.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 3:9

Lal᷊uain balahannu Israel Ta'u niaringiṛṛanna, wuṛṛu i Ya'u naasilo lai ereapa i mangitou aallangannu taumata Mesir.

DARALO 6:3

Akkanaawe i ya'u oh Mawu, ana waugu i ya'u niasueanten ikkata, tohassawe i ya'u ana waugu i ya'u nallomete.

DARALO 75:9

Asasa'un Mawu naal᷊ihidda cawanna su lima-Ne, cawanna udde lal᷊oṛṛoannu anggore maattikka. Ruata nallal᷊innu lal᷊oṛṛone, anambon taumata lal᷊eo su runia ṛinone ma'inumma sara masue.