DARALO 9:12 - WUKE SUSI WATTI'U AL᷊AL᷊USASSA

¹² Paddalote Mawu apan uaparenta su Sion! Wattia'e inolaan-Ne su manga walahanna!

DARALO 9:12 Referans Kwoze

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

SONDAPPA 16:6

I mangitou suete napaaturon ṛaṛṛam walahannu Ruata wuṛṛu ṛaṛṛa manga nabi; orassa indi I'o mappa'inummu ṛaṛṛa si mangitou. Atonna, naṛṛinote udde maola'a si mangitou!”

PANDARIADDI 9:5

Suapan taumata wuṛṛu winatangnga apan namate taumata sarun Ta'u iṛṛuumanna pateanna.

YESAYA 26:21

Mawu sarun sumossokka wuassu atatanaan-Ne su surga makkuumannu tumana'u runia ana waugu rosan mangitou. Pamamate apan a'olaanni mangitou apan iwabbuni sarun matualaga. Leta'a tate lai manaappa manga taumata apan nate nipate.

DARALO 22:24

Paddalote si Tou, ei manga taumata apan mangngimanna! Wantuhete i Tou, ei anambon papapulunni Yakub! Al᷊intuddate su saruan-Ne, anambon papapulunnu Israel!

MAL᷊AṚṚUUNGNGA 10:16

Wua'udde anambon paal᷊uanna sassubbanna nirammete si mangitou, ana see nassubbate Ruata. Ne Ruata nompo'a naung-Nge naasilo si mangitou sulal᷊ummu asasusa.

DARALO 102:17

napawe Mawu mapararisikku Sion apia, wuṛṛu rumanta sulal᷊ummu awawantu-Ge.

DARALO 10:17

Mawu, I'o maddaringikka aal᷊iomannu taumata lal᷊ebbone, wuṛṛu mannohassa naungngi mangitou.

DARALO 10:14

Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

2 MARARATU 24:4

nangillembo lai ana waugu anambon pamamate apan niolangnge su saruannu manga taumata apan tawe sal᷊ane. Mawu maddiri mangampunga si Manasye ana waugu inolaane udde.

SASABANGNGA 3:9

Lal᷊uain balahannu Israel Ta'u niaringiṛṛanna, wuṛṛu i Ya'u naasilo lai ereapa i mangitou aallangannu taumata Mesir.

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

DARALO 68:17

Anio wuassu puiddu apan manambo udde i'o ma'ellega ringannu aal᷊uandaga su Wuiddu Sion apan nipilen Duata maola'a tatanaan-Ne? Mawu sarun matana'a poiaroddi saran mal᷊annu-l᷊annu.

DARALO 74:2

Naungewe al᷊aṛanang-Ngu apan nipile-Nu ro'en dorone, walahanna apan nipallossu Mawu tadea'u maola'a pussa'a-Nu. Naungewe Wuiddu Sion, apan niolang-Ngu tampa atatanaan-Nu.

DARALO 76:3

Yerusalem uddewe tampa atatanaan-Ne; Wuiddu Sion tampa pamanuan-Ne.

DARALO 132:13

Ana waugu Mawu buatte namile Sion; i Tou mappulu maola'a tampa atatanaan-Ne.

YESAYA 8:18

Indite i ya'u wuṛṛu al᷊aṛṛana'u apan nionggollu Mawu si ya'u. Mawu Apan Lembontaṛṛino apan uaparenta su Sion, nandolokki yami maola'a tiala su umattu Israel.