DARALO 9:10 - WUKE SUSI WATTI'U AL᷊AL᷊USASSA

¹⁰ Mawu udde tampa pattillummannu taumata apan aumpisananna, tampa passirunganna sutempon asasusa.

DARALO 9:10 Referans Kwoze

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

YEREMIA 29:13

I yamiu sarun maddea'a si Ya'u wuṛṛu maasomba si Ya'u, ana waugu i yamiu maddea'a ringannu ahewallu naungnga.

DARALO 5:11

Ṛuumanaawe i mangitou, oh Mawu, wala'ewe i mangitou masilaka ana waugu hol᷊agi mangitou sassane. Limbuaṛṛete i mangitou ana waugu manambo rosan mangitou, ana waugu i mangitou buatte nilumawanga Si'o.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

DARALO 57:1

Su piaṛṛa'u mangangantari. Tumuṛṛuttu antari: Imbaṛṛangnga manggohakka. Daralo wuassi Daud, sutempo i tou tinumal᷊anga su loṛṛangnga mallinda'i Saul.

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

2 SAMUEL 22:3

Mawu naal᷊ihidda tanda'a watu apan matohassa. Tampa pasasirungangku. Naal᷊ihidda allungnga i Tou uataappa si ya'u, wuṛṛu ual᷊u'adda tadea'u i ya'u sidutu mal᷊angnganna.

DARALO 37:39

Mawu nanal᷊amatta taumata susi, wuṛṛu nallu'adda si mangitou wuassu asasusa.

YESAYA 25:4

Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna

NAHUM 1:7

Mawu udde mapia, i Tou uasirungnga uman-Ne sutempo i mangitou susa, i Tou uariaga taumata apan uasirungnga si Tou.