DARALO 89:41 - WUKE SUSI WATTI'U AL᷊AL᷊USASSA

⁴¹ Niṛṛa'a-Nu manga darandungu soane, manga tanda'a watune niolang-Ngu ete nallambe tuidda.

DARALO 89:41 Referans Kwoze

DARALO 79:4

I yami naola'a paaeettu manga walahanna su al᷊indonganna, i mangitou nilumagge wuṛṛu mannappissi'a si yami.

DANIEL 9:16

I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

LAL᷊ALLU 5:1

Naungete, oh Mawu, apan apan nariaddi si yami. Tannoite i yami, wuṛṛu ellehete al᷊al᷊eon kami.

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.

YEREMIA 44:8

Anio i yamiu ma'ola'a manga inolaanna apan maasa'u si Ya'u? I yamiu nirumanta wuṛṛu natana'a su Mesir, wanua apan awaganannu udde, wua'udde i yamiu nassubbate pa'al᷊uanna wuṛṛu nangonggollu sasamba su manga mongannu wanua udde! Apa i yamiu mappulu makkimunsa'a watangannu sassane tadea'u i yamiu heloannu anambon balahanna su runia wuṛṛu arannu ipaatta ipammontoga?

YEREMIA 42:18

Su ereapa i Ya'u, Mawu Ruatan Israel napasabbangngu asasa'u wuṛṛu araṛṛagi-U su tumana'u Yerusalem, aroddi lai Ya'u mapasabbangngu araṛṛagi-Ku si yamiu apan inai watukku Mesir. Taumata sarun marantinna maasilo si yamiu; i yamiu sarun heloanna, wuṛṛu arannu tate ipaatta maola'a wawontoga. I yamiu tate maasilo apia leta'a niariaddiannu indi.”

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

DARALO 80:13

Oh Ruata, anio niṛṛa'a-Nu tatandange, na'oman sara suapan taumata sumabbi wotongnge maati'o wuane?

DARALO 74:10

Maddatingngu tingngera, oh Ruata, seetta mangngeetta Si'o? Sarangkal᷊o'engnge i mangitou mallobbossa aran-Nu?

NEHEMIA 5:9

Ana see i ya'u nabbisara apia, “Inolaannu udde lal᷊eo! Ṛinone i yamiu mabbiakka ringannu matta'uttu Ruata. Ringannu aroddi seetti ite apan tawe mawune udde tawe onggol᷊anni yamiu tempone mallobossa si ite.

TAHIUL᷊E 28:37

Su manga wanua tampan kamiu nisal᷊iawukku Mawu, manga taumata sarun mata'utta maasilo si yamiu; yamiu sarun al᷊uandahanna wuṛṛu ilagge mangitou.

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

LAL᷊ALLU 2:5

Mawu nabbal᷊i ere seetta; i Tou namuulla Israel sara naṛṛa'a. I tou nakkimunsa'a manga tanda'a watu wuṛṛu wal᷊en araratuanna, wuṛṛu nanamba asasusa su tumana'u Yehuda.