DARALO 89:18 - WUKE SUSI WATTI'U AL᷊AL᷊USASSA

¹⁸ I'o nangonggolla si yami auntunganna apan wahewalla, ana waugu ete apapia-Nu i yami naauntungnga.

DARALO 89:18 Referans Kwoze

DARALO 47:9

Ruata ua'ianna su adderan araratuan-Ne apan susi; i Tou uaparenta manga walahanna.

DARALO 71:22

I ya'u maddalote Si'o, ringannu gambus, ana waugu I'o mapia, oh Ruata'u. I ya'u mangantariten daralo Si'o ringannu kecapi, oh Ruata susin Israel.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

YESAYA 43:14

Mawu mananal᷊amannu, Apan Na'ukkassa su Israel, nabbisara, “Ana waugu i yamiu, i Ya'u nandolokku tantara watukku Babel, wuṛṛu Ta'u nihohakka manga papal᷊e ngaran tuttupanna; manga hion taumatan Kasdim Ta'u niwal᷊u nabbal᷊i lal᷊uai.

YESAYA 29:19

Manga taumata asiangnga wuṛṛu lal᷊ebbone sarun maapendamma apia lal᷊umannange apan nionggollu Ruata na'ukkassu Israel.

DARALO 44:4

Leta'a udde tawe niaaṛṛon mangitou ringannu hal᷊ele; tawe ringannu atatohassa sassane i mangitou naauntunga, arawe ringannu taṛṛino wuṛṛu semakku daranta-Nu, ana waugu I'o uanaungnga al᷊aṛṛanang-Ngu.

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

YESAYA 30:11

Passal᷊iute, wuṛṛu paddea'e lal᷊anna waine. Arie mallimbatta si yami ringannu Ruata na'ukkassa su Israel.”

DARALO 62:6

Ringannu matammudda niawa'u uaṛṛaddo Ruata, tumba'u wuassi Tou asasal᷊ama'u.

1 SAMUEL 2:1

Wua'udde i Hana niumal᷊iomanna, wisarane, “Mawu nalluassa naungku; inolaan-Ne ma'al᷊uassa ṛimuu'u. Ringannu apendamma lullala'a ya'u nangeetta see'u, ana waugu atonna-tonna Ruata buatte nantul᷊ungku.

DARALO 148:14

I Tou buatte nanohassa walahan-Ne, na'oman sara i Tou raddaloannu al᷊aṛṛanang-Nge, Israel umatta arangnguan-Ne. Paddalote Mawu!