DARALO 88:1 - WUKE SUSI WATTI'U AL᷊AL᷊USASSA

¹ Aantari. Daralon ṛuanganni Korah. Su piaṛṛa'u mangangantari. Tumuṛṛuttu aantari: Mahalat Leanot. Aantari tatantiron Heman taumatan Ezrahi.

DARALO 88:1 Referans Kwoze

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

DARALO 22:2

Ruata'u, oh Ruata'u, anio I'o nanantangku? I ya'u sussal᷊ande, arawe I'o sidutu marau wuṛṛu tawe mangontola si ya'u.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

DARALO 86:3

Ete I'o Ruata'u, akkanaawe i ya'u oh Mawu, ana waugu su al᷊o'engngu allo i ya'u u'al᷊iomanna Si'o.

DARALO 53:1

Su piaṛṛa'u mangangantari. Tumuṛṛuttu aantari: Mahalat. Aantari al᷊aṛa'i Daud.

DARALO 51:14

Olaawe i ya'u mal᷊uassa apia ana waugu asasal᷊amatta wuas-Si'o, i ya'u onggol᷊ewen naungnga apan sidutu matuṛutta Si'o.

DARALO 27:9

ariewe pa'imbuni wuassi ya'u.” Arie masa'u wuṛṛu manol᷊a'u allang-Ngu, ana waugu tumba'u I'o apan buatte nantul᷊ungku. Ariewe i ya'u iramme ara'e itantangnga, oh Ruata, mananal᷊ama'u.

1 MARARATU 4:31

I tou atonna-tonna apandeanne wuassu anambon taumata. I tou nangillembo wuassi Etan taumatan Ezrahi, si Heman, si Kalkol wuṛṛu si Darda al᷊aṛṛana'i Mahol. Aranni Salomo tinumelengnga su al᷊awo'u tampa su manga wanua uapal᷊iwutta araratuanne.

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

TITUS 2:13

Orassa indi i ite tantal᷊anna uaraṛṛaddo Allo apan aantimanni ite udde; su Allo udde runia sarun maasilo awawantugi Yesus Kristus, eteudde Mawu Ahewal᷊anne wuṛṛu Ratun Punnu Sal᷊amatti ite.

LUKAS 2:37

i Hana naola'e wawine wal᷊u, wuṛṛu orassa indi uukke ual᷊utem pul᷊o appatta su tonnane. Tawe saran paassa i tou nanantangngu Wal᷊e Mawu. Allo ṛabbi i tou mattaṛṛamawu isudde su Ruata ringannu u'al᷊iomanna wuṛṛu mappuasa.

LUKAS 2:30

Ana waugu ringannu mata'u sassane, i ya'u suete naasilo Punnu Sal᷊amatta wuassu Ruata.

LUKAS 1:47

wuṛṛu ṛimuu'u lullala'a ana waugu Ruata Mananal᷊ama'u.

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

DARALO 140:7

Oh Mawu, i ya'u mabbisara: Ete I'o Ruata'u, daringiṛṛewe aal᷊iomannu sasal᷊ande'u.

DARALO 79:9

Ontol᷊ewe i yami oh Ruata, mananal᷊amatti yami, ampungewe manga rosan kami wuṛṛu pallosaawe i yami maola'a aaddata Si'o sassane.

DARALO 68:19

Mawu sinuma'a su tampa atanggaṛṛanne; manambo taumata niatawanna niapiddi Tou. I Tou nanengkamma sasamba wuassu wallatu taumata ewe'e lai wuassu wallatu ammul᷊annu taṛṛa pangalo; tadea'u i mangitou uawanua suadio'a ringannu Mawu Ruata.

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.

DARALO 62:7

Tumba'u i Tou ual᷊u'adda wuṛṛu nanal᷊amatta si ya'u; i Tou mananahe'u, i ya'u tawe umio'a.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

DARALO 24:5

Ete i tou apan nial᷊amatanna wuṛṛu niapasal᷊amattu Mawu, wuṛṛu niapal᷊iatta'u Ruata manungku i tou tawe sal᷊ane.

NEHEMIA 1:6

Pa'ellege si ya'u oh Mawu, wuṛṛu daringiṛṛewe aal᷊iomanna apan ta'u iruitta su saruan-Nu allo wuṛṛu ṛabbi hunan umattu Israel, manga allang-Ngu udde. I ya'u manga'u manungku i yami, umattu Israel, manga allang-Ngu udde. I ya'u manga'u manungku i yami, umattu Israel, buatte na'ola'a rosa; i ya'u wuṛṛu manga al᷊amona'u buatte na'ola'a rosa lai.

1 TESALONIKA 3:10

Allo ṛabbi yami sussal᷊ande si Tou ringannu awawiran dal᷊ummu naungnga, tadea'u i yami wotongnge masasomba sassane ringanni yamiu ipanuungngu apa apan ipaapulun kamiu see ipangimanna si Kristus aroddi olangnge.

1 TAWARIKH 2:6

I Zerah pia siri lima ana'a esakka; i Zimri, i Etan, i Heman, i Kalkol, wuṛṛu i Dara.

TITUS 2:10

ara'e manna'o. Ṛinone i mangitou mapaal᷊iatta'a manungku i mangitou siddutu uatana'a mapia wuṛṛu matammuda, tadea'u ringannu pallal᷊agu mangitou udde taumata maddalo al᷊aṛṛa'u Ruata, Punnu Sal᷊amatti ite.

2 TIMOTIUS 1:3

I ya'u umal᷊iomanna su Ruata apan a'imbeangku ringannu awawiran naungnga ere lai suete niola'u iupungngu al᷊amona'u dorone. I ya'u sidutu maadiangkamanna su Ruata napawe i ya'u maanaungnga si'o sulal᷊ummu aal᷊iomanna, mawae allo ara'e ṛabbi.

1 MARARATU 5:11

Wuṛṛu su ipangonggollu anna su manga taumata lal᷊oṛṛon wal᷊en araratuanni Hiram udde, suapan tonna i Salomo manantilla si Hiram 322.500 su kilone gandumma wuṛṛu 4.400 litere lanan zaitun tutune.

1 TAWARIKH 6:18

i Amram, i Yizhar, i Hebron wuṛṛu i Uziel udde al᷊aṛṛana'i Kehat.

DARALO 42:1

Su piaṛṛa'u mangangantari. Antari al᷊aṛṛa'u ṛuanganni Korah.