DARALO 86:8 - WUKE SUSI WATTI'U AL᷊AL᷊USASSA

⁸ Oh Mawu, tawe mawu ere I'o, taweddu maaola'a ere a'olaan-Nu.

DARALO 86:8 Referans Kwoze

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

DARALO 89:6

Ammul᷊annu surga maddalo manga inolaan-Nu apan maatiangnga, wuṛṛu mangngantarin apapia-Nu, Mawu.

DANIEL 3:29

Anna waugu udde i ya'u mamarenta manungku suapan taumata wuassu walahanna, ṛuangannu walahanna ara'e al᷊awo'u wahasa, apan nabbisaran asal᷊uandaga su surannu Ruata apan sassubbanni Sadrakh, Mesakh wuṛṛu Abednego, sarun tattaranna wuṛṛu wal᷊ene sarun iapaṛṛa'a wuṛṛu olaanna ombon sapadda. Ana waugu tawe monganna apan wotongnge maaola'a apan buatte niola'u Ruata udde.”

DARALO 89:8

I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YESAYA 40:25

Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

DARALO 136:4

Tumba'u i Tou apan ma'ola'a manga al᷊aṛṛindu'a apan wahewalla; darangngu-Ne tawe panguddusanne.

SASABANGNGA 8:6

Ne i Harun namal᷊aattu ta'inne su anambon sal᷊ukka, ana see nilumapputte manga aakka namene ahewallu wanua.

2 TAWARIKH 2:4

Orassa indi ya'u mapararisikku sambau wal᷊en patataṛṛamawuanna apan tumba'u ipangaddatta Mawu Ruata'u. Su wal᷊en udde i ya'u wuṛṛu tumana'u araratuangku sarun mattaṛamawu si Tou ringannu manambunnu amania mawangngi, lapiddu mangonggolu roti ia'imbe si Tou sumiallo-miallo. Su wal᷊en udde lai yami sarun mangonggolu sasamba itattambunna suapan marua allo wuṛṛu maṛṛabbi, suapan allon Sabata, allo wahewa Wul᷊anna Wakku wuṛṛu allo waine apan buatte niṛṛae tumba'u ipangaddata Mawu Ruatan kami. Ana waugu, i Tou buatte namarenta tadea'u olangnge udde sarun iapaamattu taumatan Israel saran mal᷊annu-l᷊annu.

DARALO 89:7

Su langitta tawe sul᷊ungnge ere I'o, oh Mawu, tawe riaddiannu surga apan uasul᷊ung-Ngu.

DARALO 95:3

Ana waugu Mawu uddewe Ruata apan mawantuga, Ratu matohassa apan uataṛṛino su al᷊awo'u monganna.

DARALO 135:5

Ana waugu i ya'u masingkatta Mawu wahewalla atonna, i Tou mawantuga nangillembo wuassu al᷊awo'u monganna.