DARALO 86:2 - WUKE SUSI WATTI'U AL᷊AL᷊USASSA

² Lu'arewe wia'u, ana waugu I'o marangngu si ya'u, sal᷊amatewe allang-Ngu apan mangngimanna Si'o.

DARALO 86:2 Referans Kwoze

DARALO 4:3

Ei manga taumata, ta'e pira allo lai al᷊annune i yamiu mallobbosa Ruata'u? ma'oman sara tingera i yamiu mandangngu apa tawe gunane wuṛṛu mangenggenna apa apan nassal᷊a?

DARALO 25:2

oh Ruata'u, i ya'u mangimanna Si'o! Arie pabbala'a i ya'u pappansilianna, wuṛṛu tattampissi'u manga see'u.

YOHANES 17:11

Orassa indi i Ya'u nirumanta ringannu Iamangnga. I Ya'u tate lai matana'a su runia; arawe i mangitou su runia. Iamangnga apan naukkassa! Lu'arete i mangitou ringannu taṛṛinon arannu Iamangnga, eteudde aranna apan suete nionggolu Iamangnga si Ya'u – tadea'u i mangitou maola'a sambau, ere Iamangnga wuṛṛu i Ya'u sambau.

DARALO 119:94

Sal᷊amatewe i ya'u, ana waugu i ya'u indi pussa'a-Nu, i ya'u buatte nattinsahadda tuttuṛutta parenta-Nu.

DARALO 31:1

Su piaṛṛa'u mangangantari. Daralon Daud.

DARALO 18:19

I mangitou namangalo si ya'u sutempo i ya'u niaṛiaannu silaka, arawe Mawu nabbal᷊i matatul᷊ungku.

DARALO 16:1

Daralon Daud. Lu'arewe i ya'u, oh Ruata, ana waugu ete Si'o i ya'u mattillumma.

DARALO 13:5

Arie pabbala'a see'u mabbisara manungku i mangitou buatte namaddo'u. Arie pabbala'a i mangitou manappissi'a si ya'u.

ROMA 9:18

Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

DARALO 143:12

Ana waugu darangngu-Nu, patete anambon see'u, ṛadda'e anambon matataṛṛualanga si ya'u, ana waugu i ya'u allang-Ngu.

DARALO 50:5

Wisara-Ne, “Ammul᷊a'e anambon al᷊aṛṛana-U, apan buatte nabaiddu paaire si Ya'u, wuṛṛu ringannu nanohassu sasamba apan niṛata.”

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

DARALO 31:14

Su al᷊awo'u tampa pia atata'utta; i ya'u maaringikka sasal᷊imburungu see'u. I mangitou nabbaidda mando'appa si ya'u wuṛṛu maṛṛiinna tadea'u mamate si ya'u.

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.