DARALO 84:7 - WUKE SUSI WATTI'U AL᷊AL᷊USASSA

⁷ Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

DARALO 84:7 Referans Kwoze

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

DARALO 43:3

Pal᷊iatta'e apapia-Nu ipanemakka wuṛṛu ipangehetta si ya'u, tadea'u i ya'u mebelenga watukku Sion, wuiddu Mawu apan susi wuṛṛu watukku Wal᷊en atatanaan-Nu.

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

YOHANES 14:3

Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu.

YOHANES 1:16

I Tou napenen darangngu; tawe illol᷊one, i Tou mangngal᷊amatta si ite.

DARALO 42:2

Naal᷊ihidda rusa maapulun ua'en sal᷊ukka, aroddi lai niawa'u maapulu-Nu, oh Ruata.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

YEREMIA 31:6

Atonna, sarun a'omanna tempone manga mandariaga soa umui su panenteannu Efraim, ‘Wette i ite sumaate su Sion, ringannu Mawu Ruatang kite.’ ”

1 TESALONIKA 4:17

Wua'udde, i ite apan ta'e wiakka su tempo udde sarun masengkengnga su sampunna ringanni mangitou sulal᷊ummu winabbawa maisasomban Duata su winalanganna. See i ite matana'e ringannu Mawu saran mal᷊annu-l᷊annu.

YOHANES 6:39

Wuṛṛu ete indi apulu-Ne apan nandolo-U: tadea'u wuassu anambon taumata apan tinantilla si Ya'u, tawe saran sangkatou apan mawul᷊i; tadea'u i Ya'u mapaawangunni mangitou su Allong Kiamatta.

ZAKARIA 14:16

Wua'udde anambon taumata apan ta'e wiakka suwallattu manga walahanna apan namangalo Yerusalem, sarun inai watukku soa udde massubba Ratu, Mawu Apan Lembontarṛṛino, wuṛṛu tadea'u maddamean Andeangngu Rasannu Rongnga.

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

LUKAS 2:24

I mangitou lai pia pandumma manantillu sasamba, eteudde sampare manu'a bakiangnga ara'e darua ana'u merpati ta'e maradio'a, ere suete tinantunna sulal᷊ummu tita Mawu.

DARALO 122:2

Orassa indi i yami na'omate su sasuttannu soa Yerusalem.

YESAYA 58:11

I Ya'u sidutu sarun ua'ehetta si yamiu wuṛṛu mallaidda si yamiu su leta'a apan mamara; i Ya'u sarun mandiaga si yamiu tadea'u sidutu sehatta wuṛṛu matohassa. I yamiu sarun maola'a ere wawail᷊anna apan nasuungnga ua'ene, ere al᷊imatang kua'e apan tawe mamara.

YEHEZKIEL 34:26

I Ya'u sarun mangal᷊amatta si mangitou wuṛṛu mamala mangitou matana'a su maranin wui-U apan na'ukkassa. I mangitou sarun Ta'u onggol᷊annu uranna napawe i mangitou mappandumma.