DARALO 84:12 - WUKE SUSI WATTI'U AL᷊AL᷊USASSA

¹² Ana waugu Mawu Ruata mallal᷊u'addi ite wuṛṛu ratu apan mawantuga, apan nangonggolla si ite darangngu wuṛṛu aaddatta. I Tou manol᷊a'u sarangkanambone apan mapia su saruannu taumata apan wiakke tawe angngone.

DARALO 84:12 Referans Kwoze

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 34:8

Mala'ekatu Mawu uariaga taumata apan mangngimanna, wuṛṛu namallossi mangitou wuassu asasilaka.

DARALO 3:4

Arawe I'o, oh Mawu, naola'a allunga apan ual᷊indumma si ya'u. I'o nangonggolu auntunganna si ya'u, wuṛṛu nalluassa naungku.

DARALO 125:4

Oh Mawu pa'ola'e apapia su taumata mapia, su taumata apan naungnge waresi.

YESAYA 60:19

I'o salaiwe lasa'e semaṛṛannu matannallo sutempo allo, wuṛṛu lasa'e lai semaṛṛannu wul᷊anna sutempo ṛabbi. Ana waugu i Ya'u Mawu naola'a asasemakka tutune si'o, i Ya'u mannemakka ringannu awawantu-U.