DARALO 82:2 - WUKE SUSI WATTI'U AL᷊AL᷊USASSA

² “Imbaṛṛangnga makkuungngu taumata ringannu mangngempe, wuṛṛu arie panamba'a taumata lal᷊eo.

DARALO 82:2 Referans Kwoze

TAHIUL᷊E 1:17

Makkawessa arie mangempen samba'a; suapan taumata ṛinone parikisanni yamiu ringannu olangnge apan uasul᷊ungnga, ringannu tawe mamile taumata udde. Arie pa'ata'utta su saruanni sai-sai, ana waugu laṛṛawessa apan niola'i yamiu udde darantane wuassu Ruata. Amungkangngu sambau hatto tumaniten masahadda si'o, apira'e ringang-Ku, tadea'u i ya'u wotongnge makkawessa.

AMSAL 18:5

Dal᷊eo manamba'a taumata lal᷊eo wuṛṛu mangallangnga taumata tawe sal᷊ane.

GALATIA 2:6

Manimbe aroddi, tawe inolaanna wakku apan radeaannu manga taumata apan aellehanna ere piaṛṛangnge wuassia'u – mawala si ya'u tawe paṛṛalanne amungkangngu i mangitou piaṛṛangnge ara'e tawe, ana waugu Ruata tawe mamile hati.

DARALO 62:3

Tumba'u i Tou apan ual᷊u'adda wuṛṛu manal᷊amatta si ya'u, i Tou mananambaa'u, i ya'u tawe umio'a.

AYUB 34:19

I Tou tawe manamba'a manga ratu, ara'e malliu ṛoron taumata ala wuassu taumata asiangnga. Ana waugu i mangitou sarangkanambone udde niariaddi-Ne.

2 TAWARIKH 19:7

I yamiu ṛinone mata'uttu Mawu, wuṛṛu mammanara matammudda, ana waugu Mawu Ruatan kite maddantinnu taumata apan inolaanne mallinga, apan inolaanne mangngempe ara'e mannengkamma aongolla.”

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

MATIUS 17:17

Mawu Yesus sinumimbakka, “Wal᷊ine hampa i yamiu indi! I yamiu atonna tonna taumata apan wengkolla wuṛṛu tawe mangngimanna. Ma'oman sara tingngera i Ya'u ṛinone uatana'a ringanni yamiu wuṛṛu manabare su al᷊al᷊eong kamiu? Apira'e ana'a udde inawarea!”

AYUB 32:21

I ya'u tate lai manamba'a sulal᷊ummu patatatiakka indi wuṛṛu tawe saran sangkatou apan ta'u raloanna.

YEHEZKIEL 45:9

Mawu Apan Atanggaṛṛanne nabbisara, “Natimute manga rosanu, ei manga tembonannu Israel! Iloloa'e inolaanu apan walate apulunu mannansara tumana'u soa udde. Pammanarate ringannu mapia wuṛṛu matul᷊idda. Saran paassa ariete i yamiu mallimbuakka uma-U apia wuassu leta'i mangitou. Ia'i, Mawu Apan Atanggaṛṛanne mammarenta udde si'o.