DARALO 80:2 - WUKE SUSI WATTI'U AL᷊AL᷊USASSA

² Oh Mallal᷊u'addu Israel, daringiṛṛewe, I'o apan uapiaṛṛa'u papapulunni Yusuf ere sambau ammul᷊anna. I'o apan ua'ianna su wowon mala'ekatta, rantate ringannu lullansiangnga

DARALO 80:2 Referans Kwoze

DARALO 35:23

Darisikke panamba'a hatto'u, oh Ruata'u wuṛṛu Mawu'u, ontol᷊ewe i ya'u!

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

SASABANGNGA 25:22

Su tampa udde i Ya'u sarun maisasombanu, wuṛṛu wuassu wowon, su wallatu mala'ekatta darua udde, i'o Ta'u onggol᷊annu manga tita-U hunan balahannu Israel.”

1 SAMUEL 4:4

Ana see i mangitou nandolokku taumata inai watukku Silo iapaal᷊appa Wantalu Paairen Mawu apan naola'a aianannu Mawu Apan Lembontaṛṛino. Ruan katou ana'i Eli, i Hofni wuṛṛu i Pinehas, uatantalongnga Wantallu Pa'aire udde.

1 MARARATU 8:6

Wua'udde manga imam nangapiddu Wantallu Paaire udde sulal᷊ummu Wal᷊en Mawu wuṛṛu niaddo su al᷊ungngu manga paal᷊uannu mala'ekatta sulal᷊ummu Wabbo'a Lembon Susi.

2 MARARATU 19:15

ana see inumal᷊iomanna, wisarane, “Mawu, Ruatan Israel, apan ua'ianna su wowon mala'ekatta, tumba'u I'o sambau Ruata apan uataṛṛino al᷊awo'u araratuanna su wowon dunia. Tumba'u I'o apan nandiadi langitta wuṛṛu runia.

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

DARALO 99:1

Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.