DARALO 80:14 - WUKE SUSI WATTI'U AL᷊AL᷊USASSA

¹⁴ Bawi ahuranganna sinumappa na'oman sara nasue, wuṛṛu winatanga su wadda'a niumanna.

DARALO 80:14 Referans Kwoze

YESAYA 63:15

Oh Mawu, pangintannote wuassu surga, wuassu atatanaan-Nu apan na'ukkassa wuṛṛu mawantuga. Suapate darangngu wuṛṛu awawaṛṛani-Nu? Suapate apapia wuṛṛu darangngu-Nu? Ariewe udde taṛṛanganna si yami.

MALEAKHI 3:7

Ere iupungngu al᷊amonanu dorone, i yamiu sarangkanambone buatte simewedda wuassu manga tita wuṛṛu tawe mattuṛṛutta mappaamanne. Pabbelengke ringang-Ku, ne i Ya'u lai sarun mabbelengnga ringannu. Arawe i yamiu ma'iwal᷊o, ‘Apa apan ṛinone olaanni yami tadea'u mabbelengnga ringan-Nu?’

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

DARALO 90:13

Oh Mawu, sara tingngera I'o masa'u? Pabbelengke wuṛṛu akkanaawe manga allang-Ngu.

WATTI'U MANGA RASUL 15:16

‘Napawe wua'udde i Ya'u sarun dumanta apia,’ unnu Mawu, ‘I Ya'u sarun mapararisikka apia wal᷊en Daud apan naṛṛaate wuṛṛu manul᷊en aolangnge nahohakka, see iapararisikka apia;

YOEL 2:14

Asinungka Mawu Ruatanu mawal᷊u ṛingiranna, wuṛṛu mangal᷊amatta si yamiu ringannu nilumambalanna. Na'oman sara i yamiu wotongnge mangonggollu sasamba sasamba anggore wuṛṛu gandumma su Mawu, Ruatanu.

LAL᷊ALLU 3:50

maddatingngu I'o, oh Mawu su surga, ual᷊u'adda si yami.

DARALO 33:13

Wuassu surga Mawu nangintanno, wuṛṛu i Tou naasilo anambon taumata.

DARALO 7:7

Pabuatte sulal᷊ummu asasa'u-Nu, oh Mawu, ro'apete pangalon manga see'u. Pabuatte tadea'u mantul᷊ungku, ana waugu I'o maddea'a atatul᷊idda.