DARALO 8:6 - WUKE SUSI WATTI'U AL᷊AL᷊USASSA

⁶ Arawe I'o napararisikki tou maranin mappatakku Ruata, I'o nalluṛen ararosan awawantuga wuṛṛu aaddata.

DARALO 8:6 Referans Kwoze

PANDARIADDI 1:28

Wua'udde Ruata nangal᷊amatta si mangitou ringannu wisara “Paṛṛitete ringannu paanambo tadea'u papapulunnu mamanua su ahewallu runia wuṛṛu mamarenta sarangkanambone udde. I yamiu Ta'u iapamanara mallu'adda manga inassa, manga manu'u winalanganna, wuṛṛu manga winatangnga matengnga waine.

PANDARIADDI 1:26

Wua'udde Ruata nabbisara, “Orassa indi i ate ma'ola'a taumata ere lihiddi Ite wuṛṛu nassul᷊ungngi Ite. I mangitou sarun uataṛṛino manga inassa, manga manu'u winalanganna, wuṛṛu al᷊awo'u winatangnga waine, mawae ete maṛṛaro aroddi lai matengnga, mapia ete wahewalla aroddi lai maradio'a.”

IBRANI 2:8

See lai na'ola'a si tou tembonannu sarangkanambone.” Ne, amungkangu iwisara manungku Ruata nandiaddi taumata “tembonannu sarangkanambone”, udde atappasanne manungku tawe saran sambau apan tawe su al᷊ungngu taṛṛinon taumata. Salaiwe aroddi, i ite orassa indi tawe maasilo taumata uataṛṛino sarangkanambone.

EFESUS 1:22

Ruata napasuṛṛubbawan sarangkanambone udde su al᷊unggu parentan Kristus, wuṛṛu nangonggoli Kristus su jamaatta maola'a tembonannu al᷊awo'u jamaatta.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

DARALO 110:1

Daralon Daud. Mawu nabbisara si tuangku, “A'iante su samba'a uanang-Ku, ma'oman sara manga seennu Ta'u iapasuṛṛubbawa si'o.”

PANDARIADDI 9:2

Al᷊awo'u manu'u winalanganna wuṛṛu inassa see lai manga winatangnga waine sarun mata'unnu. I mangitou sarangkanambone sulal᷊ummu taṛṛinonu.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.