DARALO 79:9 - WUKE SUSI WATTI'U AL᷊AL᷊USASSA

⁹ Ontol᷊ewe i yami oh Ruata, mananal᷊amatti yami, ampungewe manga rosan kami wuṛṛu pallosaawe i yami maola'a aaddata Si'o sassane.

DARALO 79:9 Referans Kwoze

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

DARALO 25:11

Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

YEREMIA 14:21

Naungete paaire-Nu, ariewe i yami heloan-Nu; pa'aire-Nu si yami ariewe tawe maola'a. Yerusalem tampa bal᷊en araratuan-Nu apan mawantuga, ariewe heloan-Nu.

YESAYA 48:9

I Ya'u naṛṛaddannu asasa'u-U tadea'u arang-Ku tumelengnga. I Ya'u naṛṛaddannu udde si'o, tadea'u i'o tawe ṛaddaanna.

DANIEL 9:19

Mawu, daringiṛṛewe i yami, ampungewe i yami, lu'arewe i yami wuṛṛu pammanarate ringannu mal᷊ihakka! Ariewe mal᷊annu-l᷊annu, tadea'u anambon taumata masingkatta manungku ete I'o Ruata, Ana waugu Yerusalem wuṛṛu uman-Nu udde pussaa-Nu apan apianne.”

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

DARALO 65:3

Ana waugu ete I'o naddaringikka aal᷊iomanna; anambon taumata nirumanta ringan-Nu ana waugu narosate.

DARALO 31:3

daringiṛṛewe i ya'u wuṛṛu pallosa'e i ya'u paal᷊ihakka. Ariaditewe si ya'u ere wowon batu tampa pattillumangku, naal᷊ihidda tanda'a watu apan matohassa, suapa i ya'u wotongnge masal᷊amatta.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

DARALO 115:1

Wal᷊ine i yami, oh Mawu, wal᷊ine i yami, arawe tumba'u I'o apan raddaloanna, ana waugu I'o mapia wuṛṛu sidutu marangngu.

YOSUA 7:9

Taumatan Kanaan wuṛṛu anambon taumata waine su leta'a indi sarun maaringikka olangnge udde. I mangitou sarun mamangalo wuṛṛu mamate si yami sarangkanambone! Ana see apa sarun olaannu tadea'u I'o sidutu a'addatanna?”

DANIEL 9:9

I'o napenen pangangampunga wuṛṛu darangngu, salaiwe i yami buatte nilumawangnga Si'o.

YEHEZKIEL 20:44

Sutempo i yamiu buatte Ta'u niola'a aroddi hunan awawantugu arang-Ku, wuṛṛu wal᷊ine nassul᷊ungngu ala'uannu apan dal᷊eo see inolaannu apan tawe matataṛṛino, i yamiu taumatan Israel maasingkatte manungku ete i Ya'u Mawu. I Ya'u Mawu Apan Atanggaṛṛanne buatte nabbisara.”