DARALO 79:3 - WUKE SUSI WATTI'U AL᷊AL᷊USASSA

³ Su ahewallu soan Yerusalem daṛṛan mangitou nabboso ere ua'e; taweddu nallabingi mangitou.

DARALO 79:3 Referans Kwoze

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEREMIA 14:16

Manga taumata apan buatte nanengkamma manga pani'atti mangitou udde lai sarun Ta'u pateanna ringannu olangnge apan uasul᷊ungnga. Winal᷊unanni mangitou sarun iwareta su manga lal᷊anna su Yerusalem ringannu taweddu mallabbinga. Etearoddi nasippi mangitou wuṛṛu ana'a awingngi mangitou. I mangitou sarun Ta'u olaanna maapendamma pangillul᷊eannu al᷊al᷊eo mangitou.”

SONDAPPA 11:9

Manga taumata wuassu anambon araratuanna, walahanna, wahasa sarun maasilo winal᷊unanni mangitou, tallu allo mattangnga al᷊annune, wuṛṛu tawe mamalam binal᷊unanna udde ilabbinga.

SONDAPPA 18:24

Babel niṛṛuumanna ana waugu sulal᷊ummu soa udde suete niasombanganna ṛaṛṛa manga nabi, ṛaṛṛa manga al᷊aṛṛana'u Ruata – aunne ṛaṛṛan anambon taumata apan suete nipate su wowon runia indi.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

SONDAPPA 16:6

I mangitou suete napaaturon ṛaṛṛam walahannu Ruata wuṛṛu ṛaṛṛa manga nabi; orassa indi I'o mappa'inummu ṛaṛṛa si mangitou. Atonna, naṛṛinote udde maola'a si mangitou!”

ROMA 8:36

Sulal᷊ummu Wuke Susi uawoṛṛetta arendi, “Su al᷊o'engngu allo i yami mabbiakka uasaruanna papate ana waugu I'o Mawu. I yami niola'a naal᷊ihida ere domba apan ṛatante.”

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

YEREMIA 34:20

I Ya'u sarun manantilli yamiu su seetta apan mappulu mamate si yamiu. Winal᷊unannu sarun inasannu manu'u winalanganna wuṛṛu winatangnga mal᷊aṛṛaga.

YEREMIA 25:33

Su allo udde winal᷊unannu manga taumata apan nipate Mawu uatal᷊eṛṛongnga su ahewallu runia. I mangitou tawe luaianna, tawe lai wengketanna ilabbinga, arawe iwala aroddi su leta'a ere sapadda ua'ombo.

YEREMIA 15:3

I Ya'u, Mawu, buatte nanantunna manungku appatta ṛuumanna apan ma'ata'utta sarun mariaddi si mangitou: i mangitou sarun mate sulal᷊ummu pangalo, winal᷊unanni mangitou sarun wol᷊engannu asu, inasannu manu'u winalanganna, wuṛṛu insueannu winatangnga mal᷊aṛṛaga.

DARALO 141:7

Manga duṛṛin kite sarun isal᷊iawukka su winggin labbinga naal᷊ihidda sambau watu niṛṛimunsa'a su leta'a.

DARALO 79:10

Arie pabbala'a walahanna waine maiwalon kami, “Suapate Ruatan mangitou?” Wala'ewe i yami maasilo wawal᷊inne su walahanna apan namate manga allang-Ngu.

ZEFANYA 1:17

Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”