DARALO 79:10 - WUKE SUSI WATTI'U AL᷊AL᷊USASSA

¹⁰ Arie pabbala'a walahanna waine maiwalon kami, “Suapate Ruatan mangitou?” Wala'ewe i yami maasilo wawal᷊inne su walahanna apan namate manga allang-Ngu.

DARALO 79:10 Referans Kwoze

DARALO 42:10

I ya'u nabbisara su Ruata, mananahe'u, “Anio I'o naabul᷊i'u? Anio i ya'u sidutu uatataṛṛangnga, ana waugu aallangannu manga see'u?”

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

DARALO 115:2

Anio manga walahanna mabbisara, “Suapate Ruatan mangitou?”

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.

DARALO 42:3

I ya'u mappulun Ruata apan wiakka, tingngera i ya'u wotongnge maataṛṛamawu su Wal᷊en-Ne?

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

YOEL 2:17

Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”

YEHEZKIEL 36:23

I Ya'u sarun mapal᷊iatta'u awawantugu arang-Ku apan bahewalla udde, aranna apan buatte nilal᷊eong kamiu suwallattu manga walahanna, ne i yamiu masingkatte manungku i Ya'u Mawu. I Ya'u Mawu Apan Atanggaṛṛanne buatte nabbisara. I Ya'u sarun mappaatti yamiu tadea'u iapa'ellega su manga walahanna manungku i Ya'u indi na'ukkassa, Mawu Apan Lembonna'ukkassa.

YEREMIA 51:35

Tumana'u Sion, wal᷊oa'e, “Antimanna Babel aṛṛiaannu araṛṛagissa apan niolangnge si ite!” Tumana'u Yerusalem, wal᷊oa'e, “Antimanna Babel aṛṛiaannu asasusa apan niolangnge si ite!”

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

DARALO 9:16

Manga walahanna apan tawe maaillal᷊a Si'o manawo sulal᷊ummu loṛangnga apan nial᷊in mangitou sassane; i mangitou nul᷊ussa sulal᷊ummu seddan mangitou sassane.

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

DARALO 42:11

Naungku naṛṛimunsa'a ana waugu aal᷊uandagu seetta. I mangitou sidutu ma'iwal᷊o, “Suapate Ruatanu?”

YESAYA 64:1

Hesa'e langitta wuṛṛu sossokke, oh Mawu, ola'e manga wowone u'io'a su saruan-Nu,

YEREMIA 51:24

Mawu nabbisara, “Pa'ellete ringannu matanu sassane erepa i Ya'u orassa indi mabbal᷊issa Babel wuṛṛu tumanangnge al᷊awo'u al᷊al᷊eo apan niola'i mangitou su Yerusalem.

LAL᷊ALLU 1:22

Ellehete anambon al᷊al᷊eon mangitou udde, wuṛṛu ola'e i mangitou ere lai I'o na'ola'a si ya'u, ana waugu anambon rosa apan ta'u niola'a su saruan-Nu. I ya'u sussal᷊iomanna sulal᷊ummu radda'a, naungku massusa wuṛṛu maddunde.”