DARALO 78:69 - WUKE SUSI WATTI'U AL᷊AL᷊USASSA

⁶⁹ I Tou napararisikku Wal᷊en-Ne ere tatanaan-Ne su surga, wuṛṛu ere runia, matohassa saran mal᷊annu-l᷊annu.

DARALO 78:69 Referans Kwoze

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YESAYA 48:13

Lima-U nangaddon mal᷊ita'u runia wuṛṛu namil᷊attu winalanganna. Napawe i Ya'u mamaggo aranne, ringannu mal᷊ihakka i mangitou rumanta.

DARALO 104:5

Ringannu matohassa runia nipararisik-Ku su sasarianne, na'oman sara tawe umio'a sarangkal᷊o'engnge.

DARALO 102:25

Ana see i ya'u nabbisara, “Oh Ruata ariewe mangal᷊appa niawa'u su pattangngannu pabbiaṛṛangku.” Mawu, I'o wiakka saran mal᷊annu-l᷊annu,

AYUB 26:7

Ruata namilattu langitta, uaal᷊ungnga tahal᷊oangnga, wuṛṛu nangelen dunia su tampa tawe loṛṛone.

2 TAWARIKH 3:4

Al᷊o'engngu wabbo'a su saruanne nassul᷊ungngu al᷊alakku wal᷊en udde, eteudde 9 metere. Atanggakke 54 metere. Su wageangngu lal᷊ummu wabbo'a nioossu wul᷊awanna tutune.

2 TAWARIKH 2:9

tadea'u i mangitou manaddia manambo alu mangkasallakka. Ana waugu Wal᷊en Mawu apan ta'u iapararisikka udde ṛinone wahewalla wuṛṛu matohassa.

1 TAWARIKH 29:19

Onggol᷊aawe si Salomo, parinsi'u, apulun naungnga atonna-tonna tadea'u tumuṛṛutta anambon parenta-Nu wuṛṛu ipandarisikku wal᷊en patataṛṛamawuanna udde apan aolangnge buatte ta'u nisaddia.”

1 TAWARIKH 29:1

Ana see i Ratu Daud nabbisarate su anambon taumata apan uaammulla isudde, “Wuassu anambon parinsi'u, tumba'u i Salomo apan nipilen Duata. Arawe i tou ta'e tumaniten dario'a wuṛṛu ta'e woddo ara'e longonna, see lai manara indi tumaniten wahewalla. Ana see lai apa sarun iaparisikka indi wal᷊ine wal᷊en araratuannu taumata, ewe'e Wal᷊en Mawu Ruata.

1 MARARATU 9:8

Wal᷊en patataṛṛamawuanna indi sarun maola'a ere winal᷊al᷊anna niomboanna na'aman sara suapan taumata apan sumabbi isudde sarun ṛumindu'a wuṛṛu mata'utta. I mangitou sarun mabbisara, ‘Anio Mawu na'ola'a aroddi su wanua wuṛṛu su wal᷊en indi?’

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.

DARALO 87:1

Daralon ṛuanganni Korah, sambua aantari. Mawu napararisikku soa-Ne su wuiddu Mawu apan susi.