DARALO 78:61 - WUKE SUSI WATTI'U AL᷊AL᷊USASSA

⁶¹ I Tou namalan Wantallu Paaire-Ne niatawanna; waneṛṛan awawantu-Ge niaṛṛon ro'appa.

DARALO 78:61 Referans Kwoze

DARALO 132:8

Rantate wuṛṛu atana'e su Wal᷊en-Nu, oh Mawu, suadio'a ringannu Wantalu Paaire, tatialan taṛṛino-Nu.

DARALO 24:7

Wu'ate paal᷊oangnga ngara wahewalla tabbe udde, tadea'u sumutta Ratu apan mawantuga.

2 TAWARIKH 6:41

Darisikkewe orassa indi, oh Mawu Ruata! Wuṛṛu suadio'a ringannu Wantallu Paaire apan mapal᷊iatta'u taṛṛino-Nu udde, ṛinone I'o sumutta su Wal᷊en-Nu indi wuṛṛu matana'a isindi saran mal᷊annu-l᷊annu. Al᷊amatewe anambon manara manga imam, wuṛṛu antimanna al᷊aṛanang-Ngu sarangkanambone lulluassa ana waugu I'o marangngu si mangitou.

1 SAMUEL 4:21

Ana'a udde aranne nisaggo Ikabod, atappasanne, “Darantan Duata Apan Mawantuga nawul᷊ite wuassu Israel,” – pandumanne eteudde manungku Wantallu Pa'aire buatte niaṛṛon seetta wuṛṛu la'iananne see lai awingnge natete. Ana waugu udde i tou nabbisara, “Darantan Duata Apan Mawantuga nawul᷊ite wuassu Israel, ana waugu Wantallu Paairen Duata buatte niaṛṛon seetta.”

1 SAMUEL 4:17

Mangangapiddu watti'a udde sinumimbakka, “Israel tinumal᷊angngu taumatan Filistin. I ite nawaddote wahewalla atonna. Manambo taumata nate, see lai ruang katou ana'i Papa, i Hofni wuṛṛu i Pinehas. Wuṛṛu Wantallu Paairen Duata niaaṛṛoten seetta!”

MAL᷊AṚṚUUNGNGA 18:30

Paal᷊uanna sassubbanna apan niapiddi mangitou udde, niapararisikki mangitou su soa udde ana see nanenegi Yonatan, ana'i Gersom, pulunni Musa, maola'a imammi mangitou. Papapulunni Gersom indi sidutu ma'ola'a imam su ruanganni Dan na'oman sara walahannu Israel niapidda wuṛṛu niramme watukku wanua waine.

SASABANGNGA 40:34

Wua'udde niumonto'e winabbawa nangooppa Rasannu Mawu, wuṛṛu Rasanna udde napenen semakku darantan Mawu.

DARALO 63:2

Oh Ruata, ete I'o Ruata'u, i ya'u maddea'a wuṛṛu laṛṛintulu'u I'o. Naal᷊ihidda leta'a maṛṛasa maroun kua'e, aroddi lai i ya'u maroun Mawu.

1 SAMUEL 6:1

Napawe Wantallu Pa'airen Mawu uaraddo su Filistin pitu wul᷊anna al᷊annune,