DARALO 78:4 - WUKE SUSI WATTI'U AL᷊AL᷊USASSA

⁴ I yami maddiri mangaddapingu watti'a udde su manga ana'i yami; i yami mappulu mamasingkatta su pallal᷊awanna manansunna su ola'u taṛṛinon Mawu wuṛṛu manga manara-Ne apan wahewalla, see lai manga inolaan-Ne apan maatiangnga.

DARALO 78:4 Referans Kwoze

TAHIUL᷊E 11:19

Tantiroa'e su al᷊aṛṛanangngu. Pagattoa'a sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

YOEL 1:3

Wattia'e arariaddiannu udde su manga anangngu; tadea'u i mangitou mabbatti'a lai su manga ana'i mangitou watti'a udde. Papapulunnu mananasunna ṛinone maaringikka lai watti'a udde, wuṛṛu manassu lai mabbatti'a su papapulunna manansunna.

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 6:7

Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

DARALO 9:14

Pa'ellege, seetta mannansara si ya'u; akkanaawe i ya'u, oh Mawu, liuaawe i ya'u wuassu papate,

DARALO 26:7

lapiddu mangngantari antarin aadiangkamanna, wuṛṛu mammasingkattu inolaan-Nu apan maatiangnga.

AYUB 15:18

apan niaṛṛa'u taumata pande si ya'u. Al᷊aṛṛa'a udde nisengkamme wuassu al᷊amonane, wuṛṛu nasal᷊a nial᷊inna ringannu nasuungnga su papapulunne.

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

SASABANGNGA 13:8

Su panattaṛṛannu ramea udde i yamiu ṛinone mabbatti'a su anangngu esakka manungku sarangkanambone udde niola'i yamiu ana waugu al᷊awo'a apan buatte niola'u Mawu si yamiu su tempo i yamiu nanantangngu wanua Mesir.

SASABANGNGA 12:26

Amungkangngu manga anangngu maiwal᷊o, ‘Apa atappasanne lal᷊aghu indi?’

YESAYA 38:19

Tumba'u taumata wiakka apan maddalo Si'o, ere apan ta'u niola'a allo indi. Hagurangnge mabbatti'a anangnge aroddi apiane Mawu, oh Mawu.