DARALO 78:35 - WUKE SUSI WATTI'U AL᷊AL᷊USASSA

³⁵ I mangitou naanaungnga manungku Ruata mallal᷊u'addi mangitou, wuṛṛu manungku Apan Atanggaṛṛanne mananal᷊amatti mangitou.

DARALO 78:35 Referans Kwoze

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

YESAYA 48:17

Wisaran Duata susi Israel, Mananal᷊amannu, “Ete i Ya'u Mawu Ruatanu, apan mangngaṛṛa'u apa apan mahuna si'o, wuṛṛu nangehetta si'o su lal᷊anna apan amatannu.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

DARALO 106:21

I mangitou naabul᷊in Duata mananal᷊amatti mangitou apan buatte na'ola'a manga inolaanna wahewalla su Mesir.

DARALO 106:13

Arawe i mangitou lapiddu naabul᷊in inolaannu Mawu wuṛṛu mammanara ringannu tawe maddorongnga tatantiro-Ne.

DARALO 78:42

I mangitou tawe manaungnga taṛṛino-Ne, su allo i Tou namallossi mangitou wuassu seetta,

DARALO 78:11

I mangitou naabul᷊in manga inolaan-Ne, wuṛṛu manga hatto maatiangnga apan niapal᷊iatta'u Mawu si mangitou.

DARALO 78:7

Ringannu aroddi i mangitou lai sarun pia antimma lai su Ruata, wuṛṛu tawe maabul᷊in inolaan-Ne, arawe sidutu matuṛutta parenta-Ne,

DARALO 74:2

Naungewe al᷊aṛanang-Ngu apan nipile-Nu ro'en dorone, walahanna apan nipallossu Mawu tadea'u maola'a pussa'a-Nu. Naungewe Wuiddu Sion, apan niolang-Ngu tampa atatanaan-Nu.

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.