DARALO 77:3 - WUKE SUSI WATTI'U AL᷊AL᷊USASSA

³ Sutempon asasusa i ya'u niumal᷊iomanna su Mawu, su al᷊o'engngu ṛabbi i ya'u mammatten lima'u si Tou tawe illol᷊one, arawe naungku tawe awinalatanna.

DARALO 77:3 Referans Kwoze

DARALO 61:2

Daringiṛṛewe sasal᷊ande'u, oh Ruata, naungewe aal᷊iomangku.

AYUB 31:23

I ya'u sarun tawe ma'ola'a aroddi, ana waugu ṛuumannu Ruata tumaniten maata'utta naungku.

LAL᷊ALLU 3:39

Anio taumata sidutu sussal᷊iomanna napawe i tou iṛṛuumanna ana waugu manga rosane?

YEREMIA 17:17

Ariewe I'o maolaa maata'utta naungku. I'o tampan tatal᷊angangku sutempo rumanta asasusa.

DARALO 43:5

Anio naungku massusa wuṛṛu sussinggawanga? I ya'u uaantimma Ruata, ne i ya'u sarun maadiangkamanna apia si Tou, su Ruata'u wuṛṛu mananal᷊ama'u.

DARALO 42:11

Naungku naṛṛimunsa'a ana waugu aal᷊uandagu seetta. I mangitou sidutu ma'iwal᷊o, “Suapate Ruatanu?”

DARALO 42:5

Naungku massusa napawe maanaungnga tempo dorone, sutempo i ya'u mattudda Wal᷊en Mawu suadio'a ringannu awadaalla apan mallaghun damea. I ya'u u'amatta su saruannu ammul᷊anna ringannu huggio wuṛṛu antarin daralo.

AYUB 7:11

Ana waugu udde i ya'u tawe maatana'a mal᷊annabba! Apendamma massusa wuṛṛu apapetta'u mabbiakka tawe iawul᷊i. I ya'u ṛinone mamu'a moṛṛongku, wuṛṛu mapasabangngu lal᷊oṛṛon naungku.

AYUB 6:4

Anaanna wuassu Apan Lembontaṛṛino nallappassa su wadangku; pasangkadde niumalinna su ahewallu wadangku wuṛṛu ṛimuu'u. Al᷊aṛṛaubbu Ruata mangke maata'utta, wuṛṛu mammangalo si ya'u naal᷊ihidda ammul᷊annu seetta.

LAL᷊ALLU 3:17

Mal᷊annute i ya'u tawe maapendamma al᷊al᷊uassa; naabul᷊ite i ya'u ereapa apendammu lal᷊umanna'a.

PANDARIADDI 37:35

Anambon anangnge, mawae esakka aroddi lai wawine nirumanta mallimbatta, arawe i tou tawe al᷊imbatanna. Wisarane, “Maddatingngu papate'u i ya'u sidutu lulluain ana'u.” Aroddite i tou sidutu lullal᷊o ana waugu anangnge.

AYUB 15:11

Anio apapian Duata tawe sengkamannu? I yami mabbisara ringannu sabare wuṛṛu masi'ome sulal᷊ummu aran-Ne.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

ANTARI MAWANTUGA 3:1

Suapan ṛabbi, su lallowangangku, sulal᷊ummu wal᷊iawa i ya'u naddea'a tatuno naungku; ta'u nireaanna i tou, arawe tawe gunane.

YESAYA 26:16

I'o buatte nakkuumanni yami; sulal᷊ummu asasusa i yami nabelengnga ringan-Nu, wuṛṛu niumal᷊iomanna Si'o, Mawu.