DARALO 76:6 - WUKE SUSI WATTI'U AL᷊AL᷊USASSA

⁶ Manga taumata waṛṛani buatte nipangaṛoanna; i mangitou niamatiil᷊anna wuṛṛu tate maatimpu'o. Manga tantara waṛṛani wuṛṛu matohassa niawul᷊ianten atatohanne.

DARALO 76:6 Referans Kwoze

SASABANGNGA 15:1

Ana see i Musa wuṛṛu manga taumatan Israel nangantarin aantari indi ipaddalo Mawu, “I Ya'u maapulu mangantari su Mawu, ana waugu i Tou naauntungke ringannu wahewalla. Anambon awal᷊o wuṛṛu sumasa'ene nituntungi Tou sulal᷊ummu tahal᷊oangnga.

SASABANGNGA 15:21

I Miryam nangantarin aantari mangitou, “Pangantarite paddalo Mawu, ana waugu i Tou naauntungnga ringannu mapia atonna. Anambon awal᷊o wuṛṛu sumasa'ene nituntungngi Tou sulal᷊ummu Tahal᷊oangnga.”

YEHEZKIEL 39:20

Su medda-U i mangitou wotongnge mallaidda tianna ringannu anambon awal᷊o wuṛṛu sumasa'ene wuṛṛu ringannu manga pejuanga. I Ya'u, Mawu Apan Atanggaṛṛanne buatte nabbisara.”

DARALO 80:16

Sal᷊amatewe al᷊aṛṛana'a apan naal᷊ihidda punnu anggore buatte nisuan-Nu sassane, wuṛṛu sollan anggore apan niolang-Ngu matohassa.

ZAKARIA 12:4

Su allo udde anambon awal᷊o Ta'u olaanna nial᷊iwune wuṛṛu manga sumasa'ene Ta'u olaanna wewa, tumana'u Yehuda Ta'u lu'aranna, arawe anambon awal᷊on seenne Ta'u iapaawuta.

NAHUM 3:18

Ei ratun wanua Asyur! Manga gubernurenu natete, wuṛṛu manga bupatinu niamatiil᷊ante saran mal᷊annu-l᷊annu. Tumanangngu nassal᷊iawukke su panenteanna, wuṛṛu tawe saran sangkatou apan mapangapiddi mangitou mapul᷊e apia.

NAHUM 2:13

“I Ya'u indi seennu,” unnu Mawu Apan Lembontaṛṛino. “Manga keretanu sarun Ta'u soṛṛowanna abbi. Tantaranu sarun mate sulal᷊ummu pangallo, wuṛṛu i Ya'u sarun manganu al᷊awo'u saranapa apan buatte nianunu wuassu taumata waine. Manga darongngu daroloṛṛannu sarun aringiṛṛanna apia.”

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

YEREMIA 51:57

I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

YEREMIA 51:39

Tantal᷊anna apulu mangitou umanna niatambanna, i Ya'u sarun manaddia wiakki mangitou, wuṛṛu mapawu'anni mangitou wuṛṛu lumiṛṛibba ma'oman sara amatiil᷊anna wuṛṛu tate maatimpu'o apia.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

DARALO 104:7

Sutempo I'o namuṛṛeangnga, ua'e udde nangelekka, nangelekka ringannu masassaga ana waugu rallu'u tingik-Ku.

DARALO 18:15

I Tou namiti'u manga anaan-Ne wuṛṛu nanal᷊iawukku seetta; I Tou na'ola'a sawallo masokka-sokka wuṛṛu na'ola'a i mangitou tinumal᷊angnga.

2 SAMUEL 10:18

Arawe tantaran Israel nallimbuakka tantaran Siria. I Daud wuṛṛu tantarane namate 700 su atoune makakusiri keretan pangalo, wuṛṛu 40.000 su atoune tantara uasa'e awal᷊o; see lai i Zobakh tembonannu tantaran seetta nal᷊essa wahewalla na'oman sara nate su tampa papangaloanna.

1 SAMUEL 26:12

Ne i Daud nanganute sambeangnga wuṛṛu tampan ua'en Saul, wua'udde niumamatte. Tawe saran sangkatou apan naasilo olangnge udde ara'e naasingkatta sarangkanambone apan buatte nariaddi, ara'e napu'o, ana waugu Mawu buatte na'ola'a si mangitou sarangkanambone niamatiil᷊anna ringannu mal᷊angnga.

SASABANGNGA 15:10

Arawe Mawu ringannu paassa sumangngo nandantan allo ma'asusa su Mesir. I mangitou nilumakkuba naal᷊ihidda tima apan mawakkata sulal᷊ummu lua'a apan matandi'a.

2 MARARATU 19:35

Ṛabbi udde lai Mala'ekattu Mawu nirumanta su paddasanannu taumatan Asyur, wuṛṛu namate 185.000 su atoune tantara. Tiṛabbine marua allo maṛṛanggapa winal᷊unanni mangitou pasi tal᷊eṛongke.

2 TAWARIKH 32:21

Ana see Mawu nandolokku sangkatou mala'ekatta apan niapapate manga tantara wuṛṛu manga tembonannu tantaran Asyur udde. Ringannu tumaniten nasili ratun Asyur nabelengke watukku wanuane. Su allo sambau sutempo i tou tantal᷊anna sulal᷊ummu wal᷊en monganne, siri pira manga anangnge sassane nirumanta namate si tou ringannu hal᷊ele.