DARALO 75:7 - WUKE SUSI WATTI'U AL᷊AL᷊USASSA

⁷ Ana pallaṛṛuungnga tawe rumanta wuassu samba'a ra'i ara'e waṛṛata tawe lai wuassu samba'a sawannakka ara'e timukka.

DARALO 75:7 Referans Kwoze

LUKAS 1:52

Manga ratu nilintukka wuassu araratuanne wuṛṛu taumata adio'anne tinanggakka.

DARALO 147:6

I Tou napararisikku taumata apan niallangnga, arawe taumata lal᷊eo niemang-Nge su leta'a.

DARALO 50:6

Langitta mammasingkatta manungku Ruata nakkuungngu al᷊aṛṛanang-Nge, wuṛṛu manungku i Tou sassane mallaṛuungnge.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

2 SAMUEL 6:21

I Daud sinumimbakka, “I ya'u massal᷊aingnga ana waugu mangngaddatta Mawu, apan buatte nanol᷊a'u iamangngu wuṛṛu amonanne, ana see namile si ya'u maola'a piaṛṛa'u Israel, al᷊aṛṛanang-Nge. Ana waugu udde i ya'u sidutu massal᷊aingnga ipangaddatta Mawu.

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

1 SAMUEL 15:28

Ana see i Samuel nabbisarate si tou, “Su allo indi Mawu buatte nanggesa'a araratuannu Israel wuassi Tuangnga, wuṛṛu nionggola su taumata waine apan mappianne wuassi Tuangnga.

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

GALATIA 1:15

Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

DANIEL 2:37

Apan mawantuga Tuangku uddewe ratu wuassu al᷊awo'u ratu; Ete Tuangku apan lembon uataṛṛino. Ruata su surga buatte nangonggollu si Tuangku araratuanna indi, taṛṛino, atatohassa wuṛṛu awawantuga.

2 SAMUEL 5:2

Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

ROMA 11:15

Ana waugu i mangitou tawe tinarimmattu Ruata, ne paa'aukku runia ringannu Ruata naola'e apia; nangillembo lai amungkangngu i mangitou tinarimmattu Ruata! Udde nassul᷊ungngu ere taumata nate nabbiakka apia!

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.