DARALO 74:3 - WUKE SUSI WATTI'U AL᷊AL᷊USASSA

³ Rea'ete tampa apan nallambe ete manga tuidda; al᷊awo'a su wal᷊e-Nu buatte niṛṛimunsa'u seetta.

DARALO 74:3 Referans Kwoze

DANIEL 9:17

Oh Ruatan kami, daringiṛṛewe aal᷊iomanna wuṛṛu sasalande'u. Welengaawe wal᷊e-Nu apan buatte niniṛṛimunsa'a udde, apiate tadea'u anambon taumata masingkatta manungku ete I'o Ruata.

LAL᷊ALLU 1:10

Al᷊awo'u darotongnge buatte niaṛṛon manga seenne. I tou ewe'e lai ṛinone ma'ellega si mangitou sumutta Wal᷊en Duata, sambau inolaanna apan isassingaddu Mawu su taumata apan wal᷊ine uman-Ne.

DARALO 79:1

Daralon Asaf. Oh Ruata, walahanna apan tawe maillal᷊a uatana'e su leta'a pussa'a-Nu. I mangitou nandal᷊eote Wal᷊en-Nu, Yerusalem niola'a ete tuidda.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

MARKUS 11:17

Wua'udde Mawu Yesus nangaṛṛa'e manga taumata isudde. I Tou nabbisara, “Sulal᷊ummu Wuke Susi uawoṛṛetta ereindi: Ruata nabbisara, ‘Wal᷊e-U sarun isago wal᷊e tampa pangangal᷊iomanannu al᷊awo'u walahanna.’ Arawe niola'i yamiu sal᷊akku taumata taṛṛa ṛampassa!”

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

MIKHA 1:3

I Tou sinumossokka wuassu atatanaan-Ne apan susi wuṛṛu u'amatta su puiddu manga wowone su runia.

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

DANIEL 9:27

Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

YESAYA 61:4

I mangitou sarun mapararisikku manga soa apan mal᷊annute nahohakka wuṛṛu manul᷊e manga tampa apan mal᷊annute mal᷊annabba.

YESAYA 25:10

Mawu sarun mallu'adda Wuiddu Sion, arawe Moab sarun ṛindanna ere laṛṛami su pangangadoannu sapadda.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

DARALO 44:26

I yami naṛṛimunsa'a nanawo su leta'a, ual᷊allowanga su awu ana waugu niawaddo.

DARALO 44:23

Ana waugu I'o i yami sidutu uasaruanna papate, wuṛṛu a'olaanna naal᷊ihidda domba apan ṛatanna.

NEHEMIA 2:13

Allo ta'e ṛabbi, sutempo i yami nanantangngu soa niumamattu Ngara Wahewalla su samba'a waṛṛatta. I yami mattudda watukku timukka, watukku Ngara Wahewallu Sapadda, niumamattu Al᷊imatan Ua'e Naga. Sulal᷊ummu amatanna udde i ya'u namarikissa manga loṛṛangnga su darandungngu soa wuṛṛu i ya'u naasilo lai manga ngara wahewalla apan nasuete niepoddu putungnga.

NEHEMIA 2:3

ana see, sinumimbakka, “Nabbiakke Tuangnga saran mal᷊annu-l᷊annu! Ereapa allangnga tawe masusa, amungkangngu soa tampa pallabbingannu iupungngu al᷊amonan allangnga orassa indi ete nallambe winal᷊alanna wuṛṛu manga ngarane wahewalla nepodde nisoṛṛobbu putungnga.”

NEHEMIA 1:3

I mangitou nabbatti'a manungku manga taumata wua niwuangnga apan buatte nabbelengnga watukku wanuane udde, orassa indi mabbiakka susa wuṛṛu lallobbosannu manga walahanna raho apan uatana'a maranine. See lai, manga darandungngu soa Yerusalem ta'e naṛṛimunsa'a uatal᷊eṛṛongnga wuṛṛu manga ngaran passallanganne taambe niola'a apia ro'en nisoṛṛobba sutempo nal᷊iu.

YOSUA 10:24

wuṛṛu niapidda ringanni i Yosua. Ana see Yosua nangammulu taumatan Israel, wua'udde namarenta tadea'u manga tembonannu tantara apan tinumantalonga napapangalo ringanni tou iaparanta makkinda ullekka manga ratu udde. Ne manga tembonannu tantara udde nirumantate wuṛṛu nakkinda ullekka manga ratu udde.

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.