DARALO 73:25 - WUKE SUSI WATTI'U AL᷊AL᷊USASSA

²⁵ Isai apan tatahuanangku su surga tumba'u I'o? Wal᷊ine wuassu Mawu taweddu ta'u ipaapulu su runia.

DARALO 73:25 Referans Kwoze

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

DARALO 16:2

I ya'u mabbisara, “Tumba'u I'o Mawu'u, lal᷊umanna'u, taweddu naasampal᷊iu Si'o!”

DARALO 63:3

Wala'ewe i ya'u ual᷊ellega Si'o su Wal᷊en-Nu, wuṛṛu ma'ellega atatohassa wuṛṛu awawantu-Gu.

DARALO 16:5

Mawu, tumba'u I'o tatahuanangku; I'o nangonggolu sarangkanambone apan pappandumangku, wia'u tumba'u sulal᷊ummu lima-Nu.

MATIUS 10:37

Taumata apan marangngu iamangnge ara'e inangnge manampal᷊iu wuassia-U tawe maola'a mallal᷊aṛṛenggeng-Ku. Aroddi lai taumata apan marangngu anangnge esakka ara'e wawine manampal᷊iu wuassia-U.

DARALO 104:34

Antimanna aantari'u maal᷊uassa naung-Nge, ana waugu ete i Tou naaola'a naungku lullala'a.

DARALO 37:4

Paddea'e lal᷊umanangu su Mawu, I Tou sarun mangutungu apulun naungngu.

DARALO 89:6

Ammul᷊annu surga maddalo manga inolaan-Nu apan maatiangnga, wuṛṛu mangngantarin apapia-Nu, Mawu.

DARALO 43:4

Ne i ya'u sarun mattudan mezbah Duata, sumaruanna Ruata punnu al᷊al᷊ua'u. I ya'u sarun mangantari wuṛṛu mannalanga kecapi, ipaddalo Si'o, oh Ruata, Ruata'u.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

MATIUS 5:8

Lal᷊umanna'a su taumata apan naungnge waresi; i mangitou sarun maaillal᷊a Ruata.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.