DARALO 72:15 - WUKE SUSI WATTI'U AL᷊AL᷊USASSA

¹⁵ Sal᷊amatte si tuangnga ratu! Antimanna si tou ionggolla wul᷊awanna wuassu Arab. Antimanna i tou ial᷊iomanna suapan tempo wuṛṛu sidutu daringiṛṛanna.

DARALO 72:15 Referans Kwoze

1 MARARATU 10:14

Suapan tonna i Ratu Salomo mannarimmatta maranin 23.000 su kilone wul᷊awanna,

YUDAS 1:25

tumba'u i Tou sassane Ruata, Punnu Sal᷊amatti ite sulal᷊ummu Yesus Kristus Mawun kite. Ete i Tou Ruata apan mawantuga, ahewal᷊anne, pia taṛṛino, wuṛṛu pia saṛṛaungnge ro'en al᷊amonane ma'oman sara orasa indi wuṛṛu saran mal᷊annu-l᷊annu! Amin.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

1 YOHANES 1:2

Su tempo wiakka udde niapaal᷊iatta'a, i yami naasilo. Ana waugu udde i yami nattiala su olange udde. I yami mammasingkata si yamiu su ola'u wiakka tutune wuṛṛu saran mal᷊annu-l᷊annu, apan su sambau ringannu Ruata Iamangnga, wuṛṛu apan suete niapaal᷊iatta'a si yami.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

2 TIMOTIUS 4:22

Doronganna Mawu makkundinganna si'o. Doronganna Mawu mangal᷊amatta Manga tuṛṛangnga! Tabea wuassi yami, Paulus

1 TESALONIKA 3:11

Antimanna Ruata Iamangngi ite sassane, wuṛṛu Mawun kite Yesus Kristus manul᷊idda lal᷊anni yami ipadumatingngi yamiu!

FILIPI 2:11

I mangitou sarangkanambone sarun manga'u manungku ete Yesus Kristus udde Mawu; ringannu aroddi Ruata Iamangnga wantuhanna.

YESAYA 60:6

Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

MATIUS 6:10

Ete I'o Ratung kami. Antimanna I'o mamarenta su runia wuṛṛu apulu-Nu tatuṛṛutanna ere lai su surga.

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

DARALO 45:4

Peta'e hal᷊elenu su lawassa, ei ratu apan matohassa, i'o tumaniten mawantuga wuṛṛu nilumiatta'a!

DARALO 21:4

I'o nirumanta ringanni tou uaapiddu al᷊amatta manambo, wuṛṛu nalluṛen araposa wul᷊awanna su puane.

2 TAWARIKH 9:1

Ratun wanua Syeba naaringikka su ola'u i Salomo tinumelengke. Ne i tou nirumanta su Yerusalem manaṛṛasidda si Salomo ringannu aiwal᷊o apan masahadda. I tou nirumanta tatantalongannu manambo taumata wuṛṛu unta apan napene lal᷊uranannu rampa-rampa, watu permata, wuṛṛu wul᷊awanna tumaniten manambo. Sutempo nassombaten Salomo, ratu udde nangapiddu al᷊awo'u aiwal᷊o apan wotongnge asingkatanne.

1 MARARATU 10:10

Wua'udde ratun banua Syeba udde nanantilla si Salomo manga aonggolla apan niapidde, eteudde nilumebbe wuassu 4.000 su kilone wul᷊awanna wuṛṛu marasai watu permata see rampa-rampa. Tate saran paassa lai i Salomo nanarimmattu rampa-rampa apan aroddi anambone ere nionggollu ratun banua Syeba udde si tou. (